Omesubem Lebekengii a Uldesuem

Sel de prepare er kid el mo mesuub e kede locha di kid el loker, ‘Ngerang ak expect el mo suub?’ Me nguaisei engdi ngsoad el mo kerekikl me tia diak bo luchul e ngmo diak el sebeched el mes aike el soal lolisechakl er kid a Jehovah. Ngmekera sebechel mo blok a uldesued sel dosuub?

Moluluuch lolengit er a llomeserreng. Molengit er a Jehovah me lengesukau el mo mtab aike el ngii a soal omsuub er chelechang. (Jak. 1:5) Lak di multuil aike el bla bo modengei.—Osi. 3:​5, 6.

Becherei a klisichel a Biblia me loureor er kau. “A tekingel a Dios a di ngar.” (Heb. 4:12) A “tekingel a Dios” a sebechel losisecheklid er a beches el tekoi e ngosukid er a kakerous el rolel sel ta el donguiu er ngii. Me nguaisei engdi tia di sebechel mo tekoi a lsekum ngobok a uldesued el kirel aike el locha bo desuub me a lechub e kede ngmai sel donguiu er ngii.

Em appreciate aike el rokui el ngar bebul a tebelel a Jehovah. A kall er a klereng a uai a “mur er a kot el ungil kall.” (Isa. 25:6) Lak em skip aike el “kall” el momdasu el kmo ngdiak bo el soam. Ngdiak di bo luchul a klungiolem ke dirrek el kmal mo enjoy aike el lomeskau a Dios!