Lemelemalt a Usbechem er a Dirk

A disaiplo el Jakobus ulemekesiu er a Biblia el mora dirk el ngii a ngosukid el mo medengelii ngike el mera el kid er a chelsel. (Jak. 1:​22-25) Ngmekera demelemalt el lousbech er a Biblia el ua dirk?

Mkerekikl el menguiu er ngii. A lsekum kede di mereched el mesekid er a dirk e nglocha mo diak desa el kmo ngngar ngii a cheisech er kid. Ngdi osisiu a lsoad el mes a kired el ngmodech er ngike el mera el kid er a chelsel, e ngkired el kerekikl el menguiu er a Tekingel a Dios.

Momes er kau el diak el rebebil. Sel dolirk er kid e a teletelel a dorreked er a dirk a sebechel mo uchul me kede dirrek el meseterir a rebebil, e locha mo mes a cheleuid er a teletelir. Ngdi osisiu, ngsebeched el lousbech er a Biblia el olecholt a kngtil a chad. Engdi tia diak bo lengesukid el sumechokl a kngtid.

Bo moba tabesul el uldasu. A lsekum kede omes er kid er a dirk e di omes aike el tekoi el diak el soad el kired, e ngsebechel mo mechitechut a rengud. Ngkired el mo oba tabesul el uldasu sel donguiu er a Tekingel a Dios e diak de expect a lmuut el betok er aike el le expect er kid a Jehovah.—Jak. 3:​17, NW.