Ke Dirk Melatk?

Kau ke mle kerekikl el menguiu aike el Ongkerongel er chelecha el rak? Ka mesa el kmo ngsebechem longer aika el ker:

Ngera odbechid el mo msa Jehovah klebkall?

Kede meruul uaisei e le kede kmal respect er a Jehovah e kmal betik a rengud er ngii. Kede dirrek el mengebkall er a Jehovah le ngsoad a rechad a bo lodengelii.—w25.01, 3 el llel.

Ngmekera dousubes er a chad el mla tomellii a rengud?

Ngdiak de ignore a feelings er kid engdi kede chemoit a ngesechel a rengud e tia mo ngosukid me ngdiak bo lemedecherecher a rengud.—w25.02, 15-16 el llel.

Ngera uchul me a disaiplo el Markus a ungil kerebai el kirir a remekekerei el odam?

A Markus a kilengei er a ureor er omesiou. Alta ngmlo mekngit a rengul er a tekoi el dilubech, engdi ngdimlak bo lak losiou. Ngtileketekii a deleuill er ngii me a Paulus me a reblak a rengrir el odam.—w25.04, 27 el llel.

Ngera mle belkul a tekingel a Jesus er a loluluuch el kmo: “Kmla ochotii a ngklem er tir”? (Johanes 17:​26, BT)

A redisaiplo er ngii a mle medengelii a ngklel a Dios. Me a Jesus a ulechotii ngike el chad loungakl er a ngakl el Jehovah, el uldimukl er a moktek er ngii, omerellel, me a blekerdelel.—w25.05, 20-21 el llel.

Ngera kede mo kongei er ngii a lsekum ngngariou a rengud?

Kede kongei el kmo ngdiak dodengei a bebil tekoi. El ua tiang, ngdiak dodengei el kmo a ulebongel ngmei er a oingerang e diak dodengelii a bo loruul er ngii a Jehovah er sel taem. Ngdiak dodengelii a klukuk er kid e diak el sebeched el mo cherrungel el mtebengii a klemedengei er a Jehovah el kired.—w25.06, 15-18 el llel.

Ngera sebechel ngosukid el mo ngmai a klungioled er a article me a lechub e ng cheldecheduch el mora buai?

Ngsebeched el di kid el oker: ‘Ngera el sioko a lousbech el lolterekokl a rengrir a rechad el orrenges? Ngngar ngii a ungil okesiu el sebechek lousbech er ngii sel kulisechakl? Ngtecha mo soal tia el topic?’—w25.07, 19 el llel.

Ngera sebeched el suubii el kirel a klausubes er a Jehovah er a omerellel el mora David?

King David a riruul a kmal oberaod el klengit engdi sera lobult er a kngtil e a Jehovah uluusubes er ngii. (1 Ki. 9:​4, 5) A Dios sel lousubes, e ngdiak el lluut el mo oukerrekeriil er kid el kirel a kngtid e diak el lluut el mo melatk ngii el klengit.—w25.08, 17 el llel.

A lsekum ngmo er ngii a tekoi el meringel er a chad el mesuub el mo medengelii, e ngera sebechem el meruul er ngii?

A lsekum ngdirk meringel er ngii a mo medengelii a tekoi er uriul er a bla bo mungil smodii loeak a Biblia, e becherei e molemolem er a omesuub e a uriul e mluut el mei er ngii.—w25.09, 24 el llel.

A Biblia mesaod el kirel a “chelebeldil a klengit.” (Heb. 3:13) Ngmekera e uaisei?

A klengit el duldiukes er ngii a sebechel mengesuseu er kid el mo meruul a klengit. Ngdirrek el sebechel rullid me ngdi ngar ngii a doumededenger er ngii, el ua di oumededenger er a bltkil a rengul a Jehovah.—w25.10, 16 el llel.

Ngera kldei el tekoi el sebechel remuul a nglunguched el mo dmolech?

(1) Ngsebeched el melatk a blekerdelel a Jehovah. (2) Ngsebeched el melatk a tekoi el dechelebangel e ouchais er a Jehovah el kirel, el ua lsekum ngkired lousubes er a chad. (3) Lak dorreched. Tia mo uchul e ngsebeched louchais aike el mera el ngar er a rengud me a uldesued.—w25.10, 19-20 el llel.

Ngmekera sebeched el ngosuterir a remechudelang?

Ngsebeched el oldingel me a lechub e kede omekedong el mo er tir. Ngdirrek el sebeched el obengterir el mora appointment er tir. Me a lechub e kede oureor el obengterir el omerk er a klumech er a kakerous el rolel.—w25.11, 6-7 el llel.

Ngera bebil er a ileakl el tekoi el mo kobkellii a Jehovah er a temel a wedding er a Rekristiano?

Molengesenges a llach er a beluu. Moterekeklii el kmo a sils er a chebechiielem me a reception lolecholt aike el rodech er a chedaol reng er a Dios. Bo lulengeasek a rolel a omoubail e motngakl a siukang lomtok er a Biblia. E bo lungil a communication sel om plan er a wedding.—w25.12, 21-24 el llel.