Ngdmeu a Rengrir a Rechubechub!

1. Ngdmeu a rengrir ar chubechub!

Os’ngel a Dios e te klebokel.

Touchais rar sorir a llemalt

Kmo Dios a soal a klechubechub.

Ngoeak a Jesus ngulechotii,

Sera leketmeklii olubet.

Ngomesterir a klechubechub,

Leng med’ngelkid el mechitechut.

2. Tirkel ua Dios el chubechub

A musubes e metik a budech.

Ngmlocholt er tir a klechubechub,

Le Kristus a mlor medal a Dios.

Ngdmeu a rengrir louchais er ngii,

Lomerk a tekingel a Dios.

Te dmu ’lkmo, “Bo ldeu a rengmiu,

Le chel’chang a Renged a ngar tiang.”

3. Rua sib omes ra bltikerreng

Ra Dios sel bo loukerrekeriil.

Te mo mesa chubechub er ngii,

Le tir el uai ngii’l chubechub.

Bo dolasem el mo chubechub,

Lomekeroul er tial blekeradel.

A Dios ma Jesus ulechotii,

Dol’cholt er ngii ra bek el sils.