Ngera Belkul a Kodellel a Jesus el Kirem?

A Jesus a mlad me bo el sebeched el nguu a klengar. Johanes 3:16

Edei el klebesei er a uriul er a lemad a Jesus, e a rebebil el redil a mlo er a debellel e metik er ngii el di bechachau e le a Jehovah a ulekisii er a kodall.

A uriul, e a Jesus a mlo duum er a rechapostol er ngii.

Nguaisei, a Jehovah a ulekisii a Jesus el mo ua mesisiich el anghel el diak el sebechel el mad. Me a redisaiplo er ngii a ulemes er ngii er a lemengai el mo er a eanged.

A Dios a ulekisii a Jesus er a kodall e rirellii el mo King er a Rengedel. Daniel 7:13, 14

A Jesus a tilengetengii a klengar er ngii el mo melubet er a klechad er a klengit. (Matteus 20:28) Ngoeak tiaikid el olubet, e a Dios a meskid a techelled el mo kiei el diak a ulebengelel.

A Jehovah a tiltkii a Jesus el mo King el mengedereder er a beluulechad. E ngar er ngii a mo obengkel el 144,000 el blak a rengrir el chad el mlad er tia el chutem e milekiis el mo nguu a klengar el ngar er a eanged. Me ngii el Jesus me tirke el 144,000 a mo toketekii a melemalt el kabelment el ngar er a eanged el ngii a Rengedel a Dios.​—Chocholt 14:1-3.

Tia el Rengedel a Dios a mo rullii tia el beluulechad el mo paradis. Ngmo diak a mekemad me a delengerenger me a chelebuul me a klengerenger. A rechad a mera el mo dmeu a rengrir.​—Psalm 145:16.