Social Networking​—Mongeroid er Kau er a Telemellel

A UCHUL ME NGKLOU A ULTUTELEL: A social network a di ua oumesingd el klekedall el ngar er ngii a klungiolel me a kngtil. Me a rebebil el Kristiano a diak lekengei el ousbech a social network, engdi te ngar er ngii a rekuk bebil el ousbech el mengedecheduch er a rechedal a telungalek er tir me a resechelirir. Me nguaisei engdi Diabelong a soal a bo lemekngit a usbeched er a social network el mo uchul e ngmetemall a chised me a deleuill er kid me a Jehovah. Me kede di ua Jesus el soad el ousbech a omellach er a Tekingel a Dios el mo medengei a telemellel a social network, e mo mengeroid er kid er ngii.​—Lk 4:4, 8, 12.

TEKOI EL DONGEROID ER KID ER NGII:

• Deblechoel el ousbech a social media. A dongoit er a klou el taem el ousbech a social network me a lechub a social media, e ngmo diak a temed el meruul a soal a Jehovah

  Omellach er a Biblia: Efe 5:15, 16; Fil 1:10

• Domes a tekoi el diak lungil el kirir a Rekristiano. A osengel a mekngit el siasing a sebechel el mo uchul e ngkmal mo soad el omes a siasing er a remeau, me a lechub e kede mo ruebet er a deleboes. Me sel donguiu a babilengir me a lechub e ngtekingir a rumtok a mera el osisechakl e ngsebechel tomellii a klaumerang er kid

  Omellach er a Biblia: Mt 5:28; Fil 4:8

• Doluches me a lechub e kede post a diak lungil tekoi me a siasing. A rengul a chad a cheblad me ngsebechel rullii el mo meluches me a lechub e ng post a diak lungil tekoi me a siasing er a social network. E tia sebechel tomellii a chisel me a lechub e ngrullii el mo mechitechut a klaumerang er ngii

  Omellach er a Biblia: Rom 14:13; Efe 4:29

MOMES ER A VIDEO EL BE SOCIAL-NETWORK SMART, E MOSAOD ER A ROLEL A DONGEROID ER KID ER A DERTA ER AIKA EL BLEKERADEL: