A Jesus a Dirrek el Mlad el Kirel a Odam er Kau

A Jesus a tilengetengii a klengar er ngii el kirir a rediak lemecherrungel el chad. (Rom 5:8) Me kede ulterekokl el kmal oba klou el omereng el saul e le ngii el ulechotii a bltkil a rengul el mei er kid me ngtilengetengii a klengar er ngii el kired. Me nguaisei engdi ngungil a lak dobes el kmo, a Kristus a dirrek el mlad el kirel a odam er kid. Me kede mekera ochotii tia el bltikerreng er a Kristus el mora rudam me a rudos el tir a dirrek el diak lemecherrungel el uai kid? Molatk a edei el rolel. A kot, e ngsebeched el mo sechelirir a rekakerous el chad, el uldimukl er tirke el kakerous a blekerdelel a klengar er tir er kid. (Rom 15:7; 2Ko 6:12, 13) E a ongerung, e bo dekerekikl me lak dolekoi me a lechub e deruul a tekoi el sebechel el melibas er a rebebil. (Rom 14:13-15) E a ulebongel er ngii, a lsekum a chad a rullii a mekngit el mei er kid, e ngsebeched el mereched el ousubes er ngii. (Lk 17:3, 4; 23:34) A lsekum e ngmo blak a rengud el oukerebai er a Jesus el oeak aika el rolel, e a Jehovah a mo melemolem el omekngeltengat er a ongdibel el oba budech me a kltarreng.

MOMES ER A VIDEO EL BECOME MORE BEAUTIFUL! E MONGER AIKA EL KER:

• Ngmle ua ngera uldesuel a Miki el kirel a ongdibel er ngii er a uchelel?

• Ngera uchul me ngmlengodech a uldesuel?

• Ngmilekera kerebil a Jesus e ngosuir a Miki el mo ngodechii a uldesuel? (Mk 14:38)

• Ngmekera Osisechakl 19:11 e ngosukid el mo ungil a uldesued el kirir a rekldemed el Kristiano?