5 EL SUOBEL

A Ungil el Omengiued

1 Timothy 4:13

KEDEB EL OMESODEL: Bo leklou a ngerem el menguiu aike el tekoi el llechukl er a babier.

Bo mungil el kltmokl. Molatk er a uchul me tia el tekoi a milluches. Molasem el menguiu a bebil el tekoi el diak di el derta el tekoi. Bom kerekikl me lak molechel, e mongoit, me a lechub e momtechei a tekoi el monguiu. E momtab a rokui el punctuation mark.

Molengit er a sechelim me lorrenges er kau sel monguiu, e louchais er kau a ngii di el tekoi el dimlak mungil menguiu er ngii.
Bo mungil melekoi a derta el tekoi. A lsekum ngdiak modengelii a rolel a dolekoi er a tekoi, e morrenges er a audio recording er aike el babilenged, me a lechub e molengit er a ta er a meduch el menguiu me lengesukau.
Bo lebleketakl a tekingem. Bom kerekikl sel molekoi er a tekoi, e mokisii a bdelum e bekengii a ngerem. Molasem el mo ungil, e bleketakl sel molekoi a tekoi.

Mkerekikl me lak mrellii a rolel a omengiuem el mo diak lungil er a oderengesir a rechad.