18 EL SUOBEL

A Tekoi el Mo Klungiolir a Rurrenges er Kau

1 Korinth 9:19-23

KEDEB EL OMESODEL: Mrelleterir el mo melatk a tekoi el mosaod me bo el sebechir el mtebengii el kmo ngmla er ngii a klou a ultutelel el tekoi el lesilubii er a cheldechedecham.

ROLEL A MORUUL ER NGII:

Molatk aike el tekoi el lodengei. Mngesuterir el mo omtab er a beches el uldasu el mosaod er ngii, e lak di momelekl a tekoi el bla bo lodengei.

Mtelkib lorechedii a omesodem er aike el lodengei el tekoi, engdi mokekokau el smodii a beches el uldasu el soam a bo lodengei.
Moruul a research e molebedebek. A lsekum ngsebechel, e mtelkib el smodii a tekoi el dirkak a ta el lerengesii, me a lechub e ngtekoi el dilubech er chelecha el taem el mo omekesiu a meklou a ultutelel el uldasu. Bo mungil melatk aike el tekoi el mousbech me a otutel el mora uldasu el kau a soam el melisiich er ngii.

Me sel morriter aike el tekoi, e di lekau el toketekii a uldesuem lokiu sel molatk a ker el ua, ‘ngerang, me a ngera uchul, me a oingerang, me a er ker, me a techang, e milekerang.’ Mrellii a cheldechedecham el lmuut el mo ungil lokiu sel moker, e monger a bebil er aika el ker.
Mochotii a klungel a ultutelel a tekoi el mosaod er ngii. Msodii a rolel e a Bades el mousbech er ngii a sebechel ngosuterir er a klengar er tir er a bek el sils. Mosaod aike el blekeradel me a uldasu me a omeruul el meklou a ultutelel el mo er tir.