A Ker el Mla er a Remenguiu
A Olisechakl 5:8 ngmelekoi el kirir a rechad el mengedereder me a lechub e ng Jehovah?
Tia el bades a melekoi el kmo: “A lsekum ke mes er a beluu a omengebuul er a re mechebuul, ma llemeltir a lomcheracheb er tir e melai, e lak bo le mechas a rengum er ngii el blekeradel, ele re ngarbab el chad a ngar ngii a re ngarbab er tir el mengkar er tir, e lmuut el ngar ngii a kuk ngarbab er tir el mengkar er tir.”—Oli. 5:8.
A lsekum ngdiak bo dolatk er a uldesuel a Jehovah, e tia el bades a rengud ngdi mesaod er tirke el ngar ngii a deruchellir er a kabelment. Engdi a deluut el mo ungil melebedebek, e tia dirrek el ochotii a klemerang el kirel a Jehovah, el ngii a mengelaod e olterekokl er a rengud.
A Olisechakl 5:8 a melekoi el kirel a chad el mengedereder el mengebuul er a remechebuul e omcheracheb er tir e melai a llemeltir. Ngika el chad a diak el kirel lobes el kmo, ngar ngii a lmuut el ngarbab a deruchellel me a lechub e ngkuk klou a klisichel er a kabelment el mengkar er ngii. Nguaisei, te locha ngar ngii a relmuut el bebil el kuk ngarbab a deruchellir er ngii. Ngklengiterreng, e le ngngar er a kabelment, e a rokui el mengedereder a locha mengebirukel, e a rechad a chuarm er a mekngit el omengederederir.
Me nguaisei, engdi alta rokui el tekoi a kora diak bo lungil, engdi ngsebechel mo mechelaod a rengud e le Jehovah a ‘mengkar er a re ngarbab’ el chad er a kabelment. Ngsebeched el olengit a ngeso er Ngii e msang a berreded. (Psa. 55:22; Fil. 4:6, 7) Kede medengei el kmo “a osengel a RUBAK a mekelekelii a beluulchad el rokir, me ng omesterir a klisichir tirkel blak a rengrir er ngii.”—2 Kr. 16:9.
Me a Olisechakl 5:8 a omeklatk er kid er a blekeradel er a beluulechad el dekiei er ngii el kmo ngblechoel el ngar ngii a chad el kuk ngarbab er a rebebil. E sel lmuut el klou a ultutelel, a tia el bades a omeklatk el kmo a Jehovah a kot el ngarbab, ngii Ngike el Kot el Kedidai el Merreder. Ngika mengedereder er chelechang lokiu a Ngelekel, el Jesus Kristus, el King er a Renged. E ngika el Olab a Bek el Klisiich el sebechel mes a rokui el tekoi, a cherrungel a llemeltel, ngii me a Ngelekel.