Ngmera el sebeched el kiei el mo cherechar?

AIKE EL LOLEKOI A BIBLIA

“A re melemalt a mo ungilbesrir el kiei er a chelsel a beluu e mo oubeluu er ngii el di blechoel.”​—PSALM 37:29.

A BELKUL TIANG EL KIREM

Ungil e budech el klengar er a ngar medam lobengkel a telungalek er kau me a resechelim.​—JEREMIA 29:11.

Ngdiak di letedeb a klengar er kau ke bai kiei el mo cherechar.​—PSALM 22:26.

NGMERA EL SEBECHED EL OUMERANG A TELBIIL ER A BIBLIA?

Nguaisei! Momes aika el edei el suobel el ngar tia el brochure el mo mesa uchul me ngsebechem el loumerang. A dai er ngii a:

• Ngmekera Sebechel a Biblia el Rullii a Klengar er Kau el Lmuut el Mo Ungil?

• A Biblia Meskid Omelatk

• Ngsebechem el Oumerang er a Biblia?