28 EL SUOBEL
Mochotii Omereng el Saul er Kau er a Tekoi el Lerirellii a Jehovah me a Jesus el Kirem
Ngmo uangera uldesuem a lsekum a sechelim a meskau a klebokel el omiange? Nglocha kmal mo dmeu a rengum e soam lochotii er a sechelim omereng el saul er kau el kirel. A Jehovah me a Jesus a milskid sel kot lungil sengk el sebeched el nguu. Tia ngngerang, e mekera dochotii omereng el saul er kid el kirel?
1. Ngera ta er a rolel e kede ochotii omereng el saul er kid el kirel a tekoi el lerirellii a Dios me a Kristus el kired?
A Biblia tibir el kmo “tirkel rokui el mo oumera er a [Jesus]” a sebechir el kiei el mo cherechar. (Johanes 3:16) Ngera belkul a bo doumerang? Ngdiak di bo doumerang er a Jesus. Ngdirrek el kired lochotii a klaumerang loeak omelilt er kid me a tekoi el doruul. (Jakobus 2:17) Sel dochotii a klaumerang er kid loeak a tekinged me a omerelled, e kede smisichii a deleuill er kid me a Jesus me a Demal el Jehovah.—Monguiu er a Johanes 14:21.
2. Ngera el ileakl el tekoi a ngosukid el mo ochotii omereng el saul er kid el kirel a lerirellii a Jehovah me a Jesus?
A Jesus a dilu er a rultirakl er ngii er sel kesus er a uchei er a lemad a ta er a rolel e ngsebechir lochotii omereng el saul er tir el kirel a tengetengel. Ngdilu er tir me lebo lekldibel el meruul er a ileakl el tekoi lomekedong er ngii a Biblia el “Chedaol Belsoil” er a Rubak. (1 Korinth 11:20) Jesus a kiltmeklii tiang el kirir a rechapostol er ngii me a rokui el mera el Kristiano, me lak dobes el kmo ngtilengetengii a klengar er ngii el kired. Ngdilu el kmo: “Moruul er ngii el kirel omeltkiu er ngak.” (Lukas 22:19) Sel obo er a Chedaol Belsoil e ke ochotii omereng el saul er kau el kirel a klou el bltkil a rengul a Jehovah me a Jesus el mei er kid.
BOM DMOLECH EL MERRITER
Morriter a lmuut el bebil er a rolel e ngsebeched lochotii omereng el saul er kid el kirel a klou el bltikerreng lulechotii a Jehovah me a Jesus. E molatk er a klungel a ultutelel a Chedaol Belsoil er a kodellel a Kristus.
3. A saul a odbechid el mo er omeruul
Kam imagine el kmo ngngar ngii a chad el lulsebelau me ngdimlak mros. Ngdi beot er kau a mo obes er tia el tekoi el lerirellii? Me a lechub e ke mo osiik a rolel e ochotii omereng el saul er kau el mo er ngii?
A Jehovah uchul me ngngar ngii a techelled el mo nguu a diak a ulebengelel el klengar. Monguiu er a 1 Johanes 4:8-10 e mosaod aika el ker:
Ngera uchul me a tengetengel a Jesus a ileakl el sengk?
Ngera uldesuem el kirel a lerirellii a Jehovah me a Jesus el kirem?
Ngmekera sebeched lochotii omereng el saul er kid el kirel a lerirellii a Jehovah me a Jesus el kired? Monguiu er a 2 Korinth 5:15 me a 1 Johanes 4:11; 5:3. Monguiu a derta er aika el bades e mosaod er tia el ker:
A doltirakl er tia el bades, e ngera sebeched el meruul er ngii lochotii omereng el saul?
4. Moukerebai er a Jesus
A ta er a rolel e ngsebeched lochotii omereng el saul a sel doukerebai er a Jesus. Monguiu er a 1 Petrus 2:21 e mosaod er tia el ker:
Ngoeak a ngera el rolel e ngsebechem el mesuub er a kerebai er a Jesus?
Jesus a mle betik a rengul er a Tekingel a Dios, ulemerk er a ungil chais, e ullengeseu er a rechad
5. Bora Chedaol Belsoil er a kodellel a Kristus
A lsoam el mo medengei a mileketmokl er sel kot el Chedaol Belsoil er a Rubak, e monguiu er a Lukas 22:14, 19, 20. E mosaod aika el ker:
Ngera mileketmokl er a Chedaol Belsoil er a Rubak?
A blauang me a bilong, ngomtechei a ngerang?—Momes er a 19 me a 20 el kekerei el bades.
Jesus a mle soal a redisaiplo er ngii a loruul er a Chedaol Belsoil er a Rubak el tang er a ta el rak er sel sils el lemlad er ngii. Me a Resioning er a Jehovah a mo kldibel er a bek el rak el melatk er a kodellel el ngar er a rolel el lechilderderii. A lsoam el mo medengei a lmuut el betok el kirel tia el klou a ultutelel el ongdibel, e momes er a VIDEO. E mosaod er tia el ker.
Ngua ngera oketmeklel a Chedaol Belsoil?
A blauang me a bilong a ngar ngii a lomtechei. A blauang omtechei er a cherrungel el bedengel a Jesus. A bilong omtechei er a rsechel
A REBEBIL A KMO: “Ngdi kirem el mo oumerang er a Jesus e seikid e ke mo suobel.”
Ngmekera omousbech er a Johanes 3:16 me a Jakobus 2:17 lochotii el kmo ngdirk ngar ngii a kired el meruul?
SUMMARY
Kede ochotii a omereng el saul er kid el kirel a lerirellii a Jesus sel bo doumerang er ngii e debora Chedaol Belsoil er a kodellel.
Review
Ngera belkul a bo doumerang er a Jesus?
Ngera soam el mo meruul er ngii lochotii omereng el saul er kau el kirel a lerirellii a Jehovah me a Jesus el kirem?
Ngera uchul me ngkmal klou a ultutelel el debora Chedaol Belsoil?
A LSEBECHEM E MOMES
A kodellel a Kristus, ngrullid el mo soad el mekerang?
Monguiu a lmuut el betok el kirel a klaumerang me a rolel e ngsebeched lolecholt er ngii.
“Molisiich er a Klaumerang er Kau er a Telbilel a Jehovah” (A Ongkerongel, October 2016)
Mesa el ngar er a cheldecheduch el “I Feel Clean, Alive, and Whole,” a lerirellii a tengetengel a Kristus el mora klengar er a ta el redil.
Morriter er a uchul me te di kesai a melai a blauang me a bilong er a temel a Chedaol Belsoil.