Ngera Moktek er a Dios el Kired?

A Biblia kmo a rechad “a di kedeb a klengar er [tir] e betok a ringelel.” (Job 14:1) Tiakid ngsoal a Dios el kired? E a lak, e ngera moktek er ngii el kired? Ngmera el sebechel el mo tekoi? Molatk a nger er a Biblia el kirel aikang, el kmal mengelaod er kid.

1. A Dios, ngsoal a uangera el klengar el kired?

Jehovah a soal a bo lekot lungil a klengar er kid. Sera lomeob er a kot el obekel e ngmilsterir a baradis el sers er a Eden el delengcheklir. “E ulemekngeltengat er tir [e] dilu el kmo, ‘Bo le betok a re ngelekiu, ma ruldidellel a rsechiu bo le kiei er ker me ker er a beluulchad e bo lorreder er ngii.’” (Genesis 1:28) Jehovah a mle soal a bo loungalek e loruul er a beluulechad el rokir el mo baradis e lomekerreu a charm. A moktek er ngii a mle soal a rechad a bo lekiei el mo cherechar el cherrungel a klisichel a bedengir.

Me alta ngdimlak bo leuaisei a tekoi,a engdi a moktek er a Dios a dirkak lemengodech. (Isaia 46:10, 11) Ngkmal dirk soal a rebekongesenges el chad a bo lekiei el mo cherechar el rokui el tekoi a di cherrungel.​—Monguiu er a Ocholt 21:3, 4.

2. Ngmekera sebechel mo ungil a klengar er kid er chelechang?

Jehovah milebid el “lousbech er [ngii],” el belkul a kmo kede ulebeob el soad el mo medengelii e mengull er ngii. (Monguiu er a Mateus 5:3-6.) Ngsoal a lebo er ngii a kmes el deleuill er kid lobengkel e “mo betik a [rengud er ngii], e merael er a rolel,” e “mesiou er ngii er a [rengud] el rokir.” (Josua 22:5; Psalm 25:14) Sel doruul el uaisei e ngmera el sebechel mo dmeu a rengud alta ngngar ngii a mondai el dechelebangel. Sel dongull er a Jehovah e kede omelechesiu el kmo ngngar ngii a moktek er a klengar er kid.

3. Jehovah ngar ngii a ungil moktek er ngii el kirir a rechad

Momes er a VIDEO e mosaod er tia el ker.

VIDEO: Why Did God Create the Earth?​—Excerpt (1:41)

• Ngera uchul me a Dios a milebii a chutem?

A Biblia melekoi el ngar er a Olisechakl 3:11, NW el kmo, a Jehovah lilia er a rengud a ‘urunguled el kiei el diak a ulebengelel.’ Mosaod er tia el ker:

• Ngera ke suubii er tiang el kirel a moktek er a Jehovah el kired?

4. A moktek er a Jehovah dirkak el mengodech

Monguiu er a Psalm 37:11, 29 me a Isaia 55:11 e mosaod er tia el ker:

• Kede mekerang e medengei el kmo a moktek er a Jehovah dirkak el mengodech?

5. Sel dongull er a Jehovah e ngmeskid a moktek er a klengar

VIDEO: I Learned the Purpose of Life (5:03)

• Ngera el klungiaol a bla lengai a Terumi er chelecha el bla bo lodengelii a moktek er a klengar?

Monguiu er a Olisechakl 12:13 e mosaod er tia el ker:

• A Jehovah a mla remuul a kmal betok el kired, me ngmekera dochotii omereng el saul er kid el mo er ngii?

SUMMARY

Jehovah soal a doldeu a rengud er a klengar el mo cherechar el rokui el tekoi a cherrungel. Sel dongull er ngii loba rengud el rokir e ngmo er ngii a mera el moktek er a klengar er kid er chelechang.

Review

• Ngera mle moktek er a Jehovah el kirel a Adam me a Eva?

• Kede mekerang e medengei el kmo a moktek er a Jehovah el kirir a rechad a dirkak el mengodech?

• Ngmekera sebechel mo er ngii a mera el moktek er a klengar er kau?

A LSEBECHEM E MOMES

Morriter aike el ochotii el kmo ngmera el mla er ngii a sers er a Eden.

“A Sers er a Eden​—Ngdelbochel el Uldasu Me a Lechub E Ngmera el Tekoi?” (A Ongkerongel, February 1, 2011)

Monguiu er a uchul me ngsebeched el loumerang el kmo a beluulechad a medechel el mo cherechar.

“Will the Earth Be Destroyed?” (Suobel el ngar er a Internet)

Ngsoad a lebo er ngii a moktek er a klengar er kid. Morriter aike el lolekoi a Biblia el kirel tiang.

“What Is the Meaning of Life?” (Suobel el ngar er a Internet)

Mesa chad el lulemdasu el kmo ngmla er ngii a rokui el tekoi er a klengar er ngii el metik er a mle dibus er a klengar er ngii.

Now I Have a Life of Purpose (3:55)