A NGER ER AIKE EL KER ER A BIBLIA
Ngdi tiaikid a klengar e merekong?
Ngmla ta el molatk el kmo a klengar ngdi tiaikid e merekong, el di milil e oureor, e mo bechiil e oungalek, e mo chuodel e mad? (Job 14:1, 2) A Biblia a meketeklii el kmo a remellomes a rengrir el chad me te dirrek el melatk er tia el ker.—Monguiu er a Olisechakl 2:11.
Me ngar er ngii a belkul a klengar? A kot e ngungil a bo dodengei el kmo, ngmilekerang e omuchel a klengar. A rebetok a melatk er a rolel e ngulebeob a no er a bdelud me a bedenged me te mo oumerang el kmo ngmera el ngar er ngii a Ulemeob. (Monguiu er a Psalm 139:14.) Me a leuaisei e ngulterekokl el ngar er ngii a ungil el uchul me ngulemeob er kid. Me sel bo dodengelii a uchul tia el tekoi e ngmo er ngii a belkul a klengar er kid.
Ngera uchul me a rechad a ulebeob?
A Dios a ulemekngeltengat er tirke el kot el obekel e dirrek el milsterir a klou el ngerechelir. Ngmle moktek er ngii el soal a bo lomechell el omekeek er tia el chutem e loruul er ngii el mo baradis e lekiei er a chelsel el mo cherechar.—Monguiu er a Genesis 1:28, 31.
A uriul e a rechad a mlo omtok er a Dios, engdi Ngii a dimlak lengedechii a moktek er ngii el kirir a rechad. A Biblia a meketeklii el kmo a Dios a oureor el olsobel er a reblak a rengrir el chad e ulterekokl el mo otutii a moktek er ngii el kirel tia el chutem! Me ngkmal soal a cho bo mchermii sel mera el belkul a klengar! (Monguiu er a Psalm 37:29.) Me a omesubem er a Biblia a sebechel el mo uchul e ke ngmai a klungiolem er tia el moktek er a Dios.
A lsoam a lmuut el omesodel, e momes er a 3 el bliongel er tia el babier, Ngerang Mera el Lolisechakl a Biblia?, el mirruul er a Resioning er a Jehovah
Ngdirrek el ngar er ngii er a www.jw.org/pau