A Belkul a Bo Lak Domekbitang

Jesus ullisechakl er a rultirakl er ngii el mo ‘diak lechedal . . . a beluulchad.’ (Johanes 15:19) Tia belkul a kmo ngdiak domekbitang er a tekoi er a balatiks me a mekemad er tia el beluulechad. Me nguaisei engdi ngdiak lebeot a doruul er tiang. Te locha mo oltuub er kid a rechad lekid el diak domekbitang. Ngmekera sebeched el melemolem el diak domekbitang e melemolem loba blakerreng el mora Jehovah el Dios?

1. Ngera osengir a remera el Kristiano el kirel a kabelment er a rechad?

A Rekristiano olecholt omengull el mora ika el kabelment. Kede oltirakl a tekingel a Jesus el “kloklel a merreder er a Rom [a debsa] merreder er a Rom,” el belkul a kmo kede oltirakl a llach er a beluu, el ua sel longerechir er kid el mo harau a tax. (Markus 12:17) A Biblia kmo, ngngar ngii a kabelment er a rechad e le Jehovah lomechei me ngmengedereder. (Rom 13:1) Me kede medengei el kmo a kabelment er a rechad a telkael a klisichel. Kede omes er a Dios er kid me a Rengedel el ngar er a eanged el mo sumechokl a mondai er tia el beluulechad.

2. Ngmekera dochotii el kmo ngdiak domekbitang?

Kede di ua Jesus el diak bo de involve a tekoi er a balatiks. A rechad er a lesa ta er a ongasireng er a Jesus e ngmlo sorir el meruul er ngii el mo king er tir, engdi a Jesus a dimlak lekengei. (Johanes 6:15) E ngerang? E le uriul e ngdilu el kmo, “a rengedek a diak le renged er tial beluulchad.” (Johanes 18:36) Kid el disaiplo er a Jesus ochotii el kmo ngdiak domekbitang el ngar er a betok el rolel. El ua tiang, ngdiak deteloi a mekemad. (Monguiu er a Mika 4:3.) E kede ochotii omengull er kid el mora ike el klekedall lomtechei a beluu el ua banderang, engdi ngkmal diak dongebkall. (1 Johanes 5:21, BT) E kmal diak bo dolab me a lechub e bo domtok a cheldebechel er a balatiks me a lechub e ngchad el remurt. Ngar er aikakid el rolel me a lmuut el bebil e kede ochotii el kmo ngcherrungel a blakerreng er kid el mora kabelment er a Dios.

BOM DMOLECH EL MERRITER

3. Remera el Kristiano diak lomekbitang

Jesus me a rultirakl er ngii a kutmeklii a kerebai el kired. Monguiu er a Rom 13:1, 5-7 me a 1 Petrus 2:13, 14. E momes er a VIDEO e a uriul e mosaod aika el ker.

VIDEO: True Christians Are Neutral​—Part 1 (4:28)

• Ngera uchul me kede olecholt omengull el mora rolab a dereder?

• Ngera bebil er a rolel e kede ochotii el kmo kede oltirakl er tir?

A bebil renged a melekoi el kmo te diak lomekbitang er a temel a mekemad engdi te olengeseu er tirka el kaumekemad. Ngera mera el belkul a bo lak domekbitang? Monguiu er a Johanes 17:16. E momes er a VIDEO e a uriul e mosaod er tia el ker.

VIDEO: True Christians Are Neutral​—Part 2 (3:11)

• Ngera belkul a bo lak domekbitang?

Engdi kede mo mekerang a lsekum a rechad er a kabelment a sorir a doruul er a tekoi lomtok a llechul a Dios? Monguiu er a Rellir 5:28, 29. E momes er a VIDEO e a uriul e mosaod aika el ker.

VIDEO: True Christians Are Neutral​—Part 3 (1:18)

• A lsekum a llecherir a rechad a mo kebosech ngii me a llechul a Dios, e ngllechul techang a kired loltirakl er ngii?

• Ngsebechem lmatk a bebil blekeradel el Kristiano a diak bo loltirakl er a rullab a dereder?

4. Bo lak momekbitang er a uldesuem me a omerellem

Monguiu er a 1 Johanes 5:21. E momes er a VIDEO e a uriul e mosaod aika el ker.

VIDEO: Why True Christians Need Courage—To Maintain Neutrality (2:49)

• Ngua desa er a video, ngera uchul me a Ayenge ngileltii el diak bo leteloi er a cheldebechel er a balatiks me a lechub e bo loruul a tekoi el mengebkall er a beluu el ua, osus er a banderang?

• Omomdasu e ngmle ungil melilt?

Ngera lmuut el bebil er a blekeradel el sebechel melasem er kid el mo omekbitang? Momes er a VIDEO e a uriul e mosaod aika el ker.

VIDEO: Lessons From The Watchtower​—Remain Neutral in a Divided World (5:16)

• Ngmekera e sebeched el melemolem el diak domekbitang a lsekum e kede omes a sports el rechad er a kakerous el beluu a kaisichai?

• Ngmekera sebeched el melemolem el diak domekbitang a lsekum omerellir a rechad er a balatiks a ngar ngii a lerellii er kid?

• Ngmekera news er a media me a lechub a rechad el dobengterir e ngar ngii a lerellii er kid el mo diak domekbitang?

SUMMARY

Rekristiano meringel loureor me lak bo lomekbitang el ngar er a uldesuir, tekingir, me a omerellir.

Review

• Ngera kired lomsa kabelment?

• Ngera uchul me ngdiak domekbitang er a tekoi er a balatiks?

• Ngera el blekeradel a sebechel melasem er kid el mo omekbitang?

A LSEBECHEM E MOMES

Ngera el tekoi a locha bo doriid me dolemolem el diak domekbitang?

Jehovah Has Never Let Us Down (3:14)

Ngera sebechir a telungalek el meruul el mengetmokl er tir er a uchei er a ledubech a tekoi el melasem er tir el mo omekbitang?

Maintain Neutrality at Public Events (4:25)

Ngera uchul me a doumekemad el kirel a beluad a diak lekot el ngarbab el chetengakl el sebechel a chad el nguu?

“All Things Are Possible With God” (5:19)

Morriter a rolel e ngsebechem el melemolem el diak mchedal a beluulechad sel moruul omelilt er kau er a rolel a tekoi er a ureor.

“E le Ar Bek el Chad a Di Chemur Choberaod, el Di Telechellir” (A Ongkerongel, June 1, 2006)