47 EL SUOBEL
Kau, Ke Kltmokl el Mo Metecholb?
Ke locha mla suub a betok el tekoi el kirel a Jehovah er a omesubem er a Biblia. E locha mirruul a bebil omelodech el mo oltaut aika el bla msuub. Engdi nglocha ngar ngii orreked er kau el mo meruul er a telbilel a rengum el mora Jehovah e metecholb. Tia el suobel a mo mesaod a bebil er omelsemai el blechoel el bo lechebangel a rechad sel lolatk el mo metecholb, me a rolel e ngsebechem el mo mesisiich er ngii.
1. Ngkirel mo uangerang a klungel a klemedengei er kau e mochu sebechem el mo metecholb?
A bo demetecholb e ngkired el mo ‘medengelii a klemerang.’ (1 Timothy 2:4) Tia diak lebelkul a kmo a uchei er ometecholb e ngkirem el mo medengei a rokui el nger el kirel a Biblia. Mo lmuut er a Rekristiano el mla metecholb el kemanget el taem me te dirk mesuub er a Biblia. (Kolose 1:9, 10) Engdi ngkirem el mo medengei aike el uchetemel a osisechakl er a Biblia. A lsekum e ngdiak lulterekokl a rengum el kmo ng enough a klemedengei er kau er a Biblia, e ngsebechem el mengedecheduch er a remechuodel.
2. Ngera bebil er a tekoi el kirem el meruul er a uchei er ometecholb?
Uchei er a ometecholb e ng ngkirem el ‘obult er a kngtim e mo chemau a Dios.’ (Monguiu er a Rellir 3:19.) Tia belkul a kmo ngkmal louuchel a rengum er a kngtim e olengit er a Jehovah me lousubes er kau. Ngkmal diak mkengei el mo meruul a tekoi el mekngit er osengel a Dios e mla rullii a rengum el mo kiei el odeuir a rengul. Me a lmuut kung, ke ngar er a miting e omerk er a klumech el unbaptized publisher.
3. Ngera uchul me ngdiak el kirem el mecherei a dektem me lorreked er kau el mo metecholb?
A rebebil a medakt el kmo ngmo el mo diak el sebechir el remuul aike el rokui el bla el promise el mora Jehovah. Nguaisei, a lebebil ke locha mo rullii a cheleuid, mo lmuut er a reblak a rengrir el chad er a Biblia me te mlo remuul a cheleuid. A Jehovah diak longerechir er a remengull er ngii el mo perfect. (Monguiu er a Psalm 103:13, 14.) Ngdmeu a rengul sel moruul er sel kot el ngarbab el sebechem! A Jehovah olterekokl er a rengud el kmo ngdiak a “sebechel el choridid er a bltikerreng er [ngii].”—Monguiu er a Rom 8:38, 39
BOM DMOLECH EL MERRITER
Mesa rolel e ngsebechem el mo mesisiich er aike el melsemai er kau el mo metecholb loeak a omluut el mo ungil medengelii a Jehovah e mkengei er a ngelsuil.
4. Mluut el mo ungil medengelii a Jehovah
Uchei er ometecholb, e ngkirel mo uangera klemedengei er kau er a Jehovah? Ngkirel a klemedengei er kau er ngii el mo uchul me ngkmal betik a rengum er ngii e soam el meruul a tekoi lodeuir a rengul. Momes er a VIDEO e mesa rolel e a remesuub er a Biblia el meliuekl er a beluulechad el rokir a mla meruul er tiang. E a uriul e mosaod er a ker.
Sel momes er a video, e ngera ngilsuterir a rebebil el mo ready el mo metecholb?
Monguiu er a Rom 12:2 e mosaod aika el ker:
Ngar ngii a omkora oumededenger er ngii er aike el lolisechakl a Biblia me a lechub a Resioning er a Jehovah te mera lolisechakl er a klemerang?
A lsekum e ngngar ngii, e ngera sebechem el meruul el kirel?
5. Bo mesisiich aike el sebechel mo melsemai er kau el mo metecholb
Sel dengiltii el mo tibir a rengud el mo mesiou er a Jehovah e metecholb, e kede mo chobangel a omelsemai. A lsoam a ta er a olechotel, e momes er a VIDEO e a uriul e mosaod aika el ker.
Sel momes er a video, e ngera el omelsemai a mle kirel a Narangerel el mo mesisiich er ngii me bo lsebechel mesiou er a Jehovah?
Ngmilekera bltkil a rengul el mora Jehovah e ngilsuir el mo mesisiich er aika el omelsemai?
Monguiu er a Osisechakl 29:25 me a 2 Timothy 1:7 e mosaod er tia el ker:
Ngera meskid a blekenged el mo mesisiich er a ngii di el tekoi el melsemai er kid?
6. Moumerang er a ngelsuil a Jehovah
Jehovah a mo ngosukau el odeuir a rengul. Momes er a VIDEO e mosaod aika el ker.
Ngera uchul me ngika el chad er a video a mle orreked er a rengul a mo metecholb?
Ngera ngsilubii el ngilsuir el smisichii a klaumerang er ngii er a Jehovah?
Monguiu er a Isaia 41:10, 13 e mosaod er tia el ker:
Ngera uchul me ngsebechel mo ulterekokl a rengum el kmo ke mo otutii a telbilel a rengum el mora Jehovah?
7. Lluut el mo dmolech omereng el saul er kau el kirel a bltikerreng er a Jehovah
Sel bo betok el di melatk er a bltkil a rengul a Jehovah el mo er kau, e nglmuut el medechel omereng el saul er kau e kmal mo soam el mesiou er ngii el mo cherechar. Monguiu er a Psalm 40:5 e mosaod er tia el ker:
Ngera el klengeltengat er a Jehovah omkmal loba omereng el saul el kirel?
A profet Jeremia a kmal mle betik a rengul er a Jehovah me a tekingel, e milengreos er a ileakl el techellel el omtechei er a ngklel a Jehovah. Ngdilu el kmo: “Ngak a kloklem e RUBAK el Dios . . . isei a uchul ma tekingem a milekekii a renguk er a deurreng ma klengeltengat.” (Jeremia 15:16) Monger aika el ker:
Ngera me ngkmal ileakl el techall a bo de ta er a Sioning er a Jehovah?
Ngsoam el mo metecholb el ta er a Sioning er a Jehovah?
Ngar ngii orreked er kau el meruul er tiang?
Omomdasu e ngngera kirem el meruul er ngii me bo lsebechem el rodemii a turrekong er a techolb?
A REBEBIL A KMO: “Ak medakt el kmo ngdiak bo kutaut a rokui el ktilib el mo meruul sel kmetecholb.”
Kau, ke feel el uaisei?
SUMMARY
Ngoeak a ngelsuil a Jehovah, e ngsebechem el mo mesisiich er a ngii di el tekoi el melsemai er kau el mo nguu a techolb.
Review
Ngkirel mo uangera klungel a klemedengei er kau er a Biblia er uchei er ometecholb?
Ngera el omelodech a locha kirem el meruul er a uchei er ometecholb?
Ngera uchul me ngdiak el kirem el mecherei a dektem me lorreked er kau?
A LSEBECHEM E MOMES
Morriter er a kirel luchul me ke melilt el mo metecholb.
“Kau, Ke Mla Mo Kltmokl el Mo Metecholb?” (A Ongkerongel, March 2020)
Msuubii a rolel e ngsebechem el mo mesisiich omelsemai el orreked er kau me ngdiak bo metecholb.
“Ngera Orreked er Ngak Me Ngdiak Bo Kmetecholb?” (A Ongkerongel, March 2019)
Mesa rolel e a ta el chad a mlo sebechel mo mesisiich a meklou el omelsemai me bo lsebechel metecholb.
A uchelel e a chad el ngklel a Ataa ulerreked er a rengul el mo metecholb. Mesa el kmo ngngera rirellii el mo meruul er tia el kmal klou a ultutelel el dauch.