37 EL SUOBEL
Aike el Lolekoi a Biblia el Kirel a Ureor me a Udoud
Ngmla ta el bo louedikel a rengum el kirel a ureor me a udoud? Ngsebechel mo meringel er kid a ngmai aike el dousbech e a osisiu el taem e kede msa Jehovah omengull el lerredemelel. A Biblia meskid a ungil ulekrael el sebechel ngosukid.
1. Ngera ngmelekoi a Biblia el kirel a ureor?
A Dios a soal a doldeu er a rengud er a urered. A Biblia kmo, “ng bai ungil er a chad a . . . loldeu er a rengul er a urerel.” (Olisechakl 2:24) A Jehovah chad er a ureor. Sel doukerebai er ngii e bo demeringel loureor e kede odeuir a rengul me kid a mo ungil a uldesued el kired.
A ureor a klou a ultutelel. Engdi ngdiak el kirel lmuut el mo klou a ultutelel er a omengull er kid el mora Jehovah. (Johanes 6:27) A Jehovah tibir el kmo a lsekum e kede nguu el mo kot er a klengar er kid, e ngmo meskid aike el dousbech.
2. Ngera ngmelekoi a Biblia el kirel a udoud?
Alta Biblia kmo a udoud a “mesebechakl er kid,” me nguaisei engdi ngdirrek el omeklatk er kid el kmo a udoud el di ngii el tang a diak el sebechel meskid a deurreng. (Olisechakl 7:12) Me kede muchelechel el kmo ‘bo lungil a rengud er a ikel ngar ngii er kid.’ (Monguiu er a Hebru 13:5.) Sel bo lungilbesul a rengud er aike el ngar ngii er kid, e ngkmal diak bo de feel el kmo kede di ngesonges. E diak deblals er a diak a ultutelel el tekoi. (Osisechakl 22:7) E diak bo dechelsechusem er a gambling me a lechub aike el rolel a tekoi er a siobai el rulleterir a rechad el di mereched el mo betok a ududir engdi ngkengaol.
3. Ngmekera sebeched el mo bekururau lousbech a ududed?
A Jehovah bekururau el Dios, me kede oukerebai er ngii sel “bo [de] bekururau, e bo [de] kldmokl el merous el mor a re bebil er a re chad.” (1 Timothy 6:18) Ngsebeched el mo bekururau lousbech a ududed sel dolengeseu er a ongdibel me a rechad lousbech a ngeso, tokubets a rudam me a rudos er kid. A Jehovah diak lomes er a klungel a udoud, e ngbai omes er a moktek er kid el merous. Sel dorous el ngar er a rengud e ngmo dmeu a rengud me kid odeuir a rengul a Jehovah.—Monguiu er a Rellir 20:35.
BOM DMOLECH EL MERRITER
Mesa klungiolel sel bo el melemalt osenged el kirel a ureor e bo lungilbesul er a rengud er aike el ngar ngii er kid.
4. Mongebkall er a Jehovah er a rolel omoureor
A deleuill er kid me a Jehovah kirel ngar ngii a lerellii er a osenged el kirel a urered. Momes er a VIDEO e mosaod aika el ker.
Sel domes er a video, e ngera kmal soam er a osengel a Jason el kirel a ureor me a blekerdelel sel lengar er a ureor?
Ngera ngmirruul lochotii a tabesul el uldasu el bedul a ureor?
Monguiu er a Kolose 3:23, 24 e mosaod er tia el ker:
Ngera uchul me ngklou a ultutelel el sel doureor e ngkired el blak a rengud er a urered?
A ureor a klou a ultutelel. Engdi ngdiak el kirel lmuut el mo klou a ultutelel er a omengull er kid el mora Jehovah
5. Ngmo klungioled sel bo lungilbesul a rengud er aike el ngar ngii er kid
A rebetok el chad a melasem el mengudel a betok el udoud. Engdi Biblia meskid a ngodech el ulekrael. Monguiu er a 1 Timothy 6:6-8 e mosaod er tia el ker:
Ngera ngmelisiich er kid a Biblia el mo meruul er ngii?
Mo lmuut me a lsekum e ngdiak el betok a ngera er kid, me ngdirk sebeched el mo dmeu a rengud. Momes er a VIDEO e mosaod er tia el ker.
Alta tirka el telungalek a diak el betok a ududir engdi ngera uchul me ngdmeu a rengrir?
Engdi ngmekera lsekum ngbetok a ngera er kid engdi ngsoad a lmuut el betok? A Jesus a meskid a cheldecheduch lochotii el kmo tia kmal kengaol. Monguiu er a Lukas 12:15-21 e a uriul e mosaod er tia el ker:
Ngera ke suubii er a cheldecheduch er a Jesus?—Momes er a 15 el kekerei el bades.
Monguiu er a Osisechakl 10:22 me a 1 Timothy 6:10 e momekesiu aika el bades. E a uriul e mosaod aika el ker:
Omomdasu e ngngera lmuut el klou a ultutelel? Ngmo er ngii a deleuill er kid me a Dios me a lechub e ngmo betok a ududed? E ngera uchul me ke melekoi el uaisei?
Ngera el mondai a mo er ngii sel di lsoad a lluut el mo betok a ududed?
6. Jehovah a mo meskid aike el dousbech
Mondai er a ureor me a udoud a sebechel esemii a klaumerang er kid er a Jehovah. Momes er a VIDEO e mesa el kmo ngera sebeched el meruul sel lemeasem a klaumerang er kid er tia el rolel, e a uriul e mosaod aika el ker.
Sel domes er a video, e ngera el omelsemai a blo lechebangel a odam?
Ngera ngmirruul el mo mesisiich er aika el omelsemai?
Monguiu er a Mateus 6:25-34 e mosaod er tia el ker:
Ngera ngtibir a Jehovah el mo er tirke el nguu el mo kot er a klengar er tir?
A REBEBIL A KMO: “Ngkirek el meringel loureor el mesiou er a telungalek er ngak. Ngdiak el sebechek el mora miting er a every week.”
Ngera el bades olterekokl er a rengum el kmo a kot lungil omelilt a omnguu omengull er kau el mora Jehovah el mo kot?
SUMMARY
Kede ousbech a ureor me a udoud engdi ngdiak el kirel mo mengesang er a omesiunged el mora Jehovah.
Review
Ngera sebechel ngosukau el mo tabesul osengem el kirel a ureor?
Ngera klungiolel sel lebo lungilbesul a rengum er aike el ngar ngii er kau?
Ngmekera omochotii el kmo koumerang er a telbilel a Jehovah el mo omesterir a rechedal aike el lousbech?
A LSEBECHEM E MOMES
Mesa el kmo a Biblia ngmelekoi el kmo a udoud a mekngit.
“Is Money the Root of All Evil?” (Suobel el ngar er a Internet)
Msuubii el kmo ngngera el rolel omerous odeuir a rengul a Dios.
“What Does the Bible Say About Giving?” (Suobel el ngar er a Internet)
A gambling ngdiak a telemellel?
Mesa el kmo ngera rirellii a chad el mle chad er a gambling me a omerechorech el mo ngodechii a klengar er ngii.
“I Was Passionate About Racehorses” (The Watchtower, November 1, 2011)