57 EL SUOBEL
A Lsekum Ke Rullii a Oberaod el Klengit?
Alta ngkmal betik a rengum er a Jehovah e kmal melasem el diak moruul a tekoi el mo tomellii a rengul, engdi a lebebil e ke mo remuul a cheleuid. Me nguaisei engdi ngngar ngii aike el klengit el lmuut el oberaod. (1 Korinth 6:9, 10) A lsekum ke rullii oberaod el klengit e lak mobes el kmo a Jehovah kmal dirk betik a rengul er kau e soal lousubes er kau e ngosukau.
1. Ngera kired el meruul er ngii me denguu a klausubes er a Jehovah?
Tirke el betik a rengrir er a Jehovah a kmal mo mekngit a rengrir sel lodengei el kmo te mla rullii a oberaod el klengit. Engdi ngmechelaod a rengrir er a telbilel a Jehovah el mora rechedal: “A kngtim a lesal mo bekerkard, e ak mo ngotechau el mo beches el ua yuki.” (Isaia 1:18) A lsekum kede mera el obult, e a Jehovah mo ousubes er kid. Ngmekera dobult? Ngouuchel a rengud er a tekoi el derirellii e stob el meruul er ngii e olengit er a Jehovah me lousubes er kid. E meringel loureor el melodech a cheleuid el uldesued me a lechub e ngomerelled el uchul me kede rirebet er a klengit. E melasem el kiei loltirakl a klikiid el llechul a Jehovah.—Monguiu er a Isaia 55:6, 7.
2. Ngmekera Jehovah e ousbech er a remechuodel el olengeseu er kid sel derebet er a klengit?
A lsekum kede rullii oberaod el klengit a Jehovah dmu er kid me “[domekedong] er a re mechuodel er a ikelesia.” (Monguiu er a Jakobus 5:14, 15.) Tirka el mla metutk el chad a betik a rengrir er a Jehovah me a sib er ngii. Te mla mosisechakl er a rolel e ngsebechir el ngosukid el lmuut el sumechii a deleuill er kid me a Jehovah.—Galatia 6:1.
Te mekera remechuodel e ngosukid sel derellii a oberaod el klengit? Reterung me a lechub e te tedei el mechuodel a mo mesmechokl er kid lousbech a Bades. Te dirrek el mo meskid a ulekrael me a omelisiich el ngosukid me ngdiak deluut el mora klengit. A remechuodel omekerreu er a ongdibel me te mo suldii a ngklel a chad el meruul oberaod el klengit e diak lekengei lobult.
BOM DMOLECH EL MERRITER
Mluut el dochelir omereng el saul er kau el kirel a rolel a Jehovah olengeseu er kid sel derellii oberaod el klengit.
3. Sel douchais a kngtid e ngngosukid el lmuut el mo ungil
Ngii di el klengit el deruul a tomellii a rengul a Jehovah me ngkired el louchais er ngii el kirel. Monguiu er a Psalm 32:1-5 e mosaod er tia el ker:
Ngera uchul me ngungil el kired sel douchais a kngtid er a Jehovah er a bai dolasem el omart?
Sel dosiik a ngelsuir a remechuodel er a uriul er a douchais a kngtid er a Jehovah e ngdirrek el rullid el mo ungil a rengud. Momes er a VIDEO e a uriul e mosaod er a ker.
Milekera remechuodel er a video e ngosuir a Canon el lmuut el mei er a Jehovah?
Ngkired el mo honest e ouchais a rokui el tekoi er a remechuodel. Tirka ngar ngii el lolengeseu er kid. Monguiu er a Jakobus 5:16 e mosaod er tia el ker:
Ngmekera e a bo de honest el mengedecheduch er a remechuodel e rullii el mo beot er tir a olengeseu er kid?
Mouchais a kngtim, bom honest el mora remechuodel, e mkengei er a ngesuil a Jehovah
4. Jehovah olecholt er a klechubechub el mora rengar er a klengit
A lsekum a chad el mla rullii oberaod el klengit a diak lekengei loltirakl a llechul a Jehovah e ngdiak el sebechel melemolem el chedal ongdibel. Ngmesuld a ngklel me kid a diak de socialize lobengkel. Monguiu er a 1 Korinth 5:6, 11 e mosaod er tia el ker:
Ngdi ua omkukel a blauang el mkukii a blauang, ngera ngrullii el mora ongdibel a de socialize lobengkel a chad el diak lekengei lobult er a kngtil?
A remechuodel oukerebai er a klechubechub er a Jehovah el mora rediak el mecherrungel el chad el ngar er a klengit me te reach out el mo er tirke el mla mesuld a ngklir er a ongdibel e olengeseu er tir. Te betok a mla lmuut el mei er a ongdibel, le alta omesmechokl lengiluu a mle meringel engdi ngilsuterir el mo mesa el kmo a tekoi el lerirellii a diak el melemalt.—Psalm 141:5.
Ngmekera omerellel a Jehovah el mora rechad el ngar er a klengit e ochotii el kmo ngtabesul, chubechub, e bltikerreng?
5. Jehovah ousubes er kid sel dobult
Jesus uluusbech er a okesiu el ngosukid el mo medengelii a uldesuel a Jehovah el kirel a chad el obult. Monguiu er a Lukas 15:1-7 e mosaod er tia el ker:
Tiang ngera ngosisecheklii er kau el kirel a Jehovah?
Monguiu er a Esekiel 33:11 e mosaod er tia el ker:
Bulterreng nguldimukl er a ngera el kmal klou a ultutelel el tekoi?
A Jehovah di ua mengkerengel a sib el kmal omekerreu er a resib er ngii
A REBEBIL A KMO: “Ak medakt louchais a kngtik er a remechuodel le ngmo el mesuld a ngklek.”
Ngera ke mo dmu er a chad el uaisei a uldesuel?
SUMMARY
A lsekum kede rullii a oberaod el klengit engdi kede mera el ouuchel er a rengud el kirel e mla rullii er a rengud el mo diak doruul a mekngit, e a Jehovah mo ousubes er kid.
Review
Ngera uchul me ngungil el kired sel douchais a kngtid er a Jehovah?
Ngera kired el meruul me lemusubes a kngtid?
A lsekum kede rullii a oberaod el klengit e ngera uchul me ngkired lolengit a ngeso er a remechuodel?
A LSEBECHEM E MOMES
Mesa rolel e a ta el chad a ngiluu a klechubechub er a Jehovah el losaod er ngii a Isaia 1:18.
Te mekera remechuodel e melasem lolengeseu er tirke el mla rullii a oberaod el klengit?
“Mochotii a Bltikerreng me a Klechubechub el Mora Rengar er a Klengit” (A Ongkerongel, August 2024)
Morriter er a rolel e ngmocholt a bltikerreng me a klechubechub el mora rengar er a klengit el diak lekengei lobult.
“Ngeso el Mo er Tirke el Mesuld a Ngklir er a Ongdibel” (A Ongkerongel, August 2024)
Ngar er a cheldecheduch el “I Needed to Return to Jehovah,” e mesa el kmo ngera uchul me a ta el chad el mlo cheroid er a klemerang ulemelechesiu el kmo a Jehovah liluut el mengurs er ngii el mei er a klemerang.