Who Dey Control This World?

SEE WETIN BIBLE TALK

Na one wicked person dey control this world.’—1 John 5:19.

Jesus ‘Come to scatter all the work wey devil don do.’—1 John 3:8, New Century Version.

HOW WETIN BIBLE TALK FIT HELP YOU

E go help you know why all this problem dey happen for this world.—Revelation 12:12.

E go help you believe sey this world go better.—1 John 2:17.

WE FIT BELIEVE SEY WETIN BIBLE TALK NA TRUE?

Yes, make we see three reason wey go make us believe:

• Satan government no go dey again. Jehovah don talk am sey e go comot Satan. Devil no go fit control this world again. Jehovah promise sey ‘e go finish . . . Devil’ and e go still ­repair all the things wey Satan don spoil.—Hebrews 2:14, New World Translation.

• God don choose Jesus make e rule this world. Satan dey use im power take dey wicked people. But Jesus no be like that. God promise sey when Jesus start to dey rule this world: ‘E go pity poor people and e go save dem from people wey dey use their power suffer dem.’—Psalm 72:13, 14.

• God no fit lie. Bible talk sey: ‘Nothing fit make God lie.’ (Hebrews 6:18) If Jehovah promise sey im go do something, make we just get am for mind sey nothing go fit stop am! (Isaiah 55:10, 11) ‘The ­person wey dey rule this world no go dey again.’—John 12:31.