Which Kind Book You Think Sey Bible Be?

SEE WETIN BIBLE TALK

‘God use im spirit take help people write wetin dey inside Bible.’—2 Timothy 3:⁠16, New World Translation.

HOW WETIN BIBLE TALK FIT HELP YOU

E go give you correct answer for all the different different question about life wey dey worry you for mind.—Proverbs 2:​1-5.

E go make your life better if you follow wetin Bible talk.—Psalm 119:105.

E go help you put mind for better tomorrow.—Romans 15:4.

WE FIT BELIEVE SEY WETIN BIBLE TALK NA TRUE?

Yes, make we see three reason wey go make us believe:

• Everything wey Bible talk gree from beginning go reach the end. Na about 40 different ­different people write Bible. The time wey dem take write am pass 1,600 years. Many of dem no even sabi who the other person be, still the thing wey dem write carry the same message.

• Na true story dey inside. Some people wey dey write ­wetin don happen before no dey write for their book sey another country win their country for war. But the people wey write Bible write the mistake wey dem do and the bad things wey their country self do.—2 Chroni­cles 36:15, 16; Psalm 51:1-4.

• Wetin Bible don talk sey go ­happen must happen. Bible talk how dem go take scatter one city wey dem call Babylon 200 years before e happen. ­(Isaiah 13:​17-​22) E no only tell us how dem go take scatter am, e even talk the name of the ­soldier wey go scatter am.—Isaiah 45:1-3.

  Other things wey Bible talk sey go happen that time, ­happen as Bible take talk am, whether big or small. No be so the Word of God suppose be?—2 Peter 1:21.