PART 8

Vass Maynd da Jesus Sei Doht fa Uns?

Da Jesus is kshtauva fa’s possible macha es miah layva kenna. Johannes 3:16

Veibsleit gukka an Jesus sei leahrah grawb

Drei dawk noch es da Jesus kshtauva is, sinn samm veibsleit an sei grawb ganga un’s voah leah. Jehova hott da Jesus ufgvekt katt funn di dohda.

Jesus veist sich selvaht zu di apostla, un shpaydah gayt eah nuff zu da himmel

Da Jesus hott sich shpaydah gvissa zu sei aposhtla.

Yau, da Jesus is ufgvekt vadda bei Jehova fa viddah bei een sei im himmel. Eah is nau en mechtichah geisht, eah kann selayva nett viddah shtauva. Da Jesus sei yingah henn een ksenna nuff im himmel gay.

Gott hott Jesus ufgvekt funn di dohda un een Kaynich gmacht funn Gott Sei Reich. Daniel 7:13, 14

Da Jesus roold ivvah di leit inna paradise eaht, funn sei Kaynich shtool in’s Reich

Da Jesus hott sei layva gevva fa uns frei macha funn sinda un da doht. (Matthäus 20:28) Deich sell, hott Gott’s possible gmacht es miah layva kenna fa’immah.

Jehova hott da Jesus en Kaynich gmacht fa roola ivvah di eaht. En 144,000 faithfuli leit funn di eaht es ufgvekt sinn funn di dohda zu layva im himmel, zayla roola mitt een. Da Jesus un di 144,000 macha en government im himmel—Gott Sei Reich.—Di Offenbarung (Revelation) 14:1-3.

Gott Sei Reich zayld di eaht en paradise macha. Es zayld kenn greek, adda crime, adda hungah, adda oahmi leit may sei. No zayla leit recht happy sei.—Psalm 145:16.