Yobo
38 Gungima Yehowa wahanele Yobo mvutu mu funji yakola egi:
2 Nanyi udi mubuisa malongo ami akola ha gukotelesa
nu udi muzuela ujiyi ndo?
3 Ngabuba, dilondege tshita ndaga gifua yala;
ngudi guguhula mihu unguhane mvutu.
4 Gui wakhalele tangua ngafugile mavu?
Nguwambele, gula udi nu ndunge.
5 Nanyi wahagele mididilo yenji? Nguwambele gula udi mujiya.
Nanyi wathesele guleha guenji nu shinga ya guthesela?
6 Makunji enji adi agutumbiga holu dia gima gitshi?
Nanyi wahagele seso dienji dia ha khomo,*
7 tangua themua jia mu gimenegena jiakhalele mukaluguga hamoshi nu gusuanguluga,
nu tangua ana a Nzambi* agasue asendesele gumba miyelele ya gusuanguluga?
8 Nanyi wakangele kianga nu mifulo
tangua giana bulumuga muphushi sendese gu gito* gienji?
9 Tangua ngagisudigile matuta
nu tangua ngagitshuigile* nu phipha yakola,
10 tangua ngahagele mididilo yenji
nu tangua ngahagele ima ya gukangela mifulo ya kianga giene,
nu tangua ngahagele mifulo yenji.
11 Gungima ngazuelele egi: ‘Wajiya guza uu nu haha, uyigo gualeha;
matshipha-tshipha aye a lulendo mbaasugila haha ba?’
12 Wahanele gale* gimenegena mikhuala
nga ndo watshitshile egi gutshia gua guma gujiye fundo dienji,
13 ha gukuata songi jia mavu
nu ha gunyigisa athu abola ha guakatula mu mafundo awo?
14 Ana balumuga gifua mavu a wuma goshi’a kashe,
itshinyi yenji yana monega gifua itshinyi ya mulele.
15 Uvi muanya wa athu abola udi mukatudiwa,
mago awo anyi adi aguthuphuga abogoga.
16 Aye wabulumugile gale uu nu gu gito gia kianga ba?
Nga ndo wayile gale mutala jinga dia meya?
17 Agudijigile gale mifulo ya gufua ba?
Nga ndo wamonele gale mifulo ya phipha yakola* ba?
18 Wakotelesele gale gukoma gua mavu ba?
Nguwambele gula udi mujiya ndaga eji jiagasue.
19 Muanya wana khala khanda itshi?
Phipha nji yana khala fundo ditshi
20 hagula wajiya guyibata ha fundo dienji,
nu gukotelesa njila jiana bata gu inzo yenji?
21 Wakhalele wavualewe gale hagula ujiye ndaga eji ba?
Udi mujiya ndaga eji handaga ivo* yaye idi yavula ba?
22 Aye wanginyile gale mu mafundo ana bambewa neje ba?
Nga ndo wamonele gale mafundo ana bambewa may’a-nzanza,
23 anyi ngabambele mukunda nu tangua dia lamba,
nu mukunda nu lusugu lua ita ba?
24 Muanya* wana jila khanda itshi ha gumuangana,
muhehe wa gu khanda ya mazogelo a kumbi wana katugila gui ha gubunda ha mavu?
25 Nanyi wahagele njila mukunda nu meya a mvula mu dilu?
Nanyi wahagele nji njila mukunda nu matuta a mvula yakola nu muandu?
26 Hagula mvula inoge ha fundo dinyi nga muthu ganago gukhala,
mu mavu a luselenga fundo dishigo nu athu,
27 ha gutebesa mavu abolesewe gale nu mavu a luselenga
hagula muangu uzoge?
28 Mvula yana khala nu tata ba?
Nga ndo nanyi wavualele mame?
29 May’a-nzanza azogele mu vumo dia nanyi,
nanyi wavualele gimbundu-mbundu giahuma gia mu dilu
30 tangua meya atshuigiwe gifua nu seso,
nu tangua meya a holu dia jinga akuataganele gifua seso?
31 Aye wajiya gujitshiga shinga jia themua jia Kima ba?*
Nga ndo wajiya gujitulula shinga jia themua jia Kesile* ba?
32 Aye wajiya guzola themua* mu sungi yenji ba?
Nga ndo wajiya gutuameza themua jia Ashe* nu an’enji a mala ba?
33 Aye udi mujiya mikhuala yana tuameza dilu ba?
Nga ndo wajiya gushinjiga ufumu wawo* ha mavu ba?
34 Aye wajiya gukanduisa dijui diaye uu nu gu matuta
hagula mvula yakola igunogele ba?
35 Aye wajiya gutuma guhenya gua mvula ba?
Guene guajiya guza ha guguwambela egi: ‘Esue owu!’
37 Nanyi udi diago watema ha gutanga matuta,
nga ndo nanyi wajiya gubundula meya a mu matuta ene sendese mu dilu
38 tangua fuphi yana bulumuga gifua ithotho
nu tangua mabundu avula a mavu ana kuatagana hamoshi?
39 Aye wajiya gukuatela khoshi saba?
Nga ndo wajiya gumanesela nzala ya mitumba ya khoshi ba?
40 Tangua jiana banda mu mawina ajio
nga tangua jiana bandemena shitu jiko mu mawina ene?
41 Nanyi wana hana ikuanga ima ya gudia
tangua an’enji ana didila Nzambi ha guakuatesa
nu ana guya nu guwungagana handaga gushigo nga nu gima gia gudia?