Ngimbo
Lungimbo lua Gukanduga.
128 Gusuanguluga gudi nu muthu wagasue udi muvila Yehowa woma,
muthu udi muwenda mu njila jienji.
2 Aye mbawudia mbuto jinyi wakalegele mudimo wakola ha guheta.
Mbawukhala nu gusuanguluga, mbawuheta umonyi.
3 Mukaji’aye mbawukhala gifua mutshi wa vinyo udi muhaga mabundu avula mu inzo yaye;
an’aye mbaakhala gifua tumitshi tua olive mu khulo ya mesa aye.
4 Tala! Luene luholo mbaashimbiga
muthu wana vila Yehowa woma.
5 Yehowa agushimbige gu Siona.
Mu monyo waye wagasue, mona luholo ndaga jidi muyila muabonga mukunda nu Yelusalema,
6 umone nji ana a ajigulu aye.
Guhuima gukhale gu Isalele.