Ngimbo

 2 Gisambu giami gikhale gifua uhafu walondewa gutuama diaye,

mago ngathuphula gosa akhale gifua mulambu wa mbuto wana hanewa mu ngueze.

 3 Oo Yehowa, ngukuatese ha gumonesa gutema mu ndaga ngudi muzuela,

ngukuatese ha gutuna guzuela ndaga jiabola.*

 4 Ubembigo egi mutshima wami ulandule ndaga jiabola,

hagula ngukalagalago ndaga jiabola hamoshi nu athu abola;

ngushigo mutshigina nga hazonda gudia ima yawo yafula.

 5 Gula muthu wabonga wanguwasa, mbayimonesa guzumba gua giamatshidia;

gula wangubalela,* mbayikhala gifua maji ambiwa holu dia muto wami,

muto wami mbawushigo mutuna maji ene nga hazonda.

 6 Manzuji awo alutudiwa holu dia seso, abui mu wina,

athu mbategelela mbimbi jiami handaga jidi jiabonga.

 7 Mifiya yetu yamuangana gu kano dia Malumba,*

gifua luholo muthu wana phunda mavu ha guamuanga.

 9 Ngubambe hagula ngukuataganago gu miheto angutela,

miheto ya athu abola.

10 Athu abola mbaakuatagana mukut’awo agasue mu mawanda atele ene,

uvi ame mbangubalega gami kele-kele.