Mbimbi jia gisendeselo

NZAMBI MUENYA NGOLO JIAGASUE udi Fumu ya ima yagasue. Lujingu luetu lua masugu wawa nu lua masugu amuza gumatuama ludi hamago enji. Udi nu ngolo jia guhana tubalu nu jia guhana ndola. Udi nu ngolo jia guhana monyo nu jia guwushiya. Gula muene watutshigina, tuajiya gununga mu milonga ya lujingu luetu; uvi gula watutuna, tuajiya gumona malamba. Ngenyi, idi yabonga sha hagula ukombeledi wetu utshiginyiwe gudi Nzambi!

Ikombelelo idi yavula. Gula gikombelelo gidi gifua njila, ngenyi tuajiya guzuela egi njila jiagasue jia ikombelelo jianatshiginyiwa gudi Nzambi ba? Ndo, ishigo ngenyi. Yesu, ngambi wa Nzambi wadijigil’egi njila jidi khuta jiyadi. Wazuelel’egi: “Njila idi muya gu gukuluga idi yakoma, mufulo wayo udiwagudibembeleela, athu adi mungina muene adi avula. Uvi njila idi muya gu monyo idi yazonda, mufulo wayo udi wakama, athu tumisala tumisala adi mungina muene.”​—Matayo 7:13, 14.

Ikombelelo idi khuta mishindo iyadi: gimoshi gidi mutuameza gu lujingu, giko gidi mutuameza mu gufua. Gishina gia gamukanda gaga gidi gia gugukuatesa aye haguheta njila idi mubata gu monyo wa ivuo nu ivuo.