Teta Gutshigina Guawo
1. Sendesa mu phoso ya 19 ya mbeji ya 10 mukanda utshi mba tukalegela mu Gulonguga gua Biblia mu Hungu?
1 Mu phoso ya 19 ya mbeji ya 10 ya givo 2015, mba tusendesa gulonguga mukanda Imitez leur foi (Teta Gutshigina Guawo) mu Gulonguga gua Biblia mu Hungu. Mukanda wene wana guzuelela mene jia Biblia jidi gutadila mala nu akhetu a gutshigina 14. Luholo mukanda wene wasonegewe wajiya gutukuatesa hagutangiza gifua tudi gumona luholo athu ene a gutshigina akhadile gulua nu malamba mu monyo wawo wa gukombelela Yehowa. Mukanda wene udi gutuhana luko malongo ajiya gutukuatesa mangino.—Heb. 6:12.
2. Zuelela ndaga jidi mukatshi dia mukanda Imitez leur foi.
2 Ndaga jidi mu katshi: Mukatshi dia mukanda wene mudi makarte adi gumonesa membo nu madate adi gumonesa matangua athu ene 14 akhadile gujinga. Gu suga ya mukhapho wagasue gudi nu fundo diasonegewa egi: “Qu’en penses-tu?” (Itshi udi gutangiza?) goshi’a fundo diene gudi mihu yajiya gutukuatesa hagukalegela malongo tualonguga. Mudi nji nu foto jiabonga jiajiya gutukuatesa hagutangiza mene jiene muabonga.
3. Gima gitshi tuajiya gukalagala hagula gulonguga guetu gua mukanda Imitez leur foi gutukuatese?
3 Luholo Mukanda Wene Wajiya Gugukuatesa: Mukanda wa Hunji-dia-Akulu Atuameji (collège central) udi gu gisendeselo gia Imitez leur foi, udi gutuwambela egi: “Kalegelenu matangi enu. Tangizenu gifua mudi gudivua luholo lumoshi nu athu ene adi mu mene jia Biblia. Kalagalenu gifua mudi gumona ndaga akhadile gumona, dihagenu hafundo diawo.” Mukanda wa Hunji-dia–Akulu Atuameji, ushiko gutuhana njila ya gutangiza mu luholo luabola ndo, uvi tudi naye gukadigila matangi etu hagumona athu nu ndaga jidi guzuelewa mu mene jiene jia Biblia. Yana gutoga tangua nu gutangigiza guavula hagukalagala luholo luene. (Neh. 8:8) Gila gulonguga guasendesa hakatshi dia mukhapho, mutuameji udi naye guzuelela thomo ndaga jia lumene lua phoso yabalega mu basegonde 30 nga munite umoshi. Gila gushiko mihu gu suga ya mukhapo, mutuameji wajiya guhula muhu umoshi nga iyadi.
4. Mukunda natshi tudi naye gulonguga mukanda Imitez leur foi?
4 Mangino mavu adi aguzala nu milonga ya luholo nu luholo, milonga yene yajiya gulebesa gutshigina guetu. Hakiene, mukanda Imitez leur foi—nu mene jiko jia athu a gutshigina jiana guzolewa mu Tour de Garde—udi gifua kado Yehowa watuhana hagukolesa gutshigina guetu. (Yak. 1:17) Gudibungisa phoso jiagasue mu Gulonguga gua Biblia mu Hungu nu guhana mvutu tangua dia gulonguga guene, guajiya gukolesa gutshigina guetu!