Athu adibungisa ha Guwunguluga Gufua gua Yesu mu gifutshi gia Allemagne
Luholo lua Guhana Mazulunalu
LA TOUR DE GARDE
Muhu: Aye nji wajiya mbimbi’eji ba?
Verse ya Biblia: Yone 3:16
Hana mukanda: La Tour de Garde eyi yakotelesa luholo lamba diamonele Yesu nu gufua guenji guajiya gugukuatesa.
LA TOUR DE GARDE (diyiji diasuga)
Muhu: Tegelela gale muhu wuwu nu mvutu athu avula ana guhana. [Tanga muhu wathomo nu mvutu jidi guwutadila.] Mvutu itshi wajiya guhana gu muhu wene?
Verse ya Biblia: Mat 4:1-4
Hana mukanda: Hajile Satana ha gulola Yesu, Yesu wazuelele n’enji, ndaga yene yamonesa diago egi Satana gashigo phamba matangi a gukalagala gubola. Ndaga itshi Biblia yana guzuela luko hamulonga nu Satana? Zulunalu’eyi yendji gukotelesa mulonga wene.
EMVITASIO YA GUWUNGULUGA GUFUA GUA YESU
Hana mukanda: Tumuhana athu emvitasio eyi mukunda nu ndaga imoshi ya ndando yavula. [Hana muthu muene emvitasio.] Mu lusugu lua 23 lua mbeji ya Mars, mu ifutshi yavula bamilio a athu mbaadibungisa ha guwunguluga gufua gua Yesu, mbaategelela diskur dimoshi diazudiwa mu Biblia didi gukotelesa luholo gufua gua Yesu guana gutukuatesa. Emvitasio eyi yamonesa fundo nu tangua gudibungisa guene mbagukalegewa. Tuasuanguluga ha gugutamega.
SONEGA LUHOLO LUAYE LUA GUYIKALAGALA
Kalegela ndaga jia zuelewa mu ifezegeselo eyi hagulondega luholo luaye lua guhana mikanda.