Wajiya Guyikalagala mu Givo Gimoshi ba?

Gukalagala itshi? Mudimo wa Muvundji wa njila wa Tangua Diagasue! Mbawuheta gubonga guavula gila wakalagala mudimo wene.​—Ish 10:22.

MUDIMO WA MUVUNDJI WA NJILA WAJIYA GUGUKUATESA HA . . .

• gukudisa luholo luaye lua gulongesa mbimbi ya Nzambi nu hagusuanguluga muavula nu mudimo wa gulongesa

• gukolesa ufuta waye nu Yehowa. Guzuelela muavula ndaga jiatadila Yehowa guana gukuatesa ha guwunguluga makalegelo enji abonga

• guheta gusuanguluga luholo udi musha ndaga jia Ufumu ha fundo diathomo nu luholo udi gudihana mukunda nu athu ako.​—Mat 6:33; Makal 20:35

• gudibungisa nu avundji a njila tangua mukulu muwendi wana guza mutala hungu, nu gudibungisa nu avundji a njila ako tangua dia asamble a lusugu lumoshi, nu ha gungina mu Khalasa dia Avundji a Njila

• gulongesa athu avula Biblia

• gubalegesa matangua avula mu mudimo wa gulongesa hamoshi nu alongeshi ako nu hagudikolesa nawo.​—Lomo 1:11, 12