Tukudise Luholo Luetu lua Gulongesa Mbimbi ya Nzambi​—Kolesa Athu ana Gusuanguluga nu Giamatshidia ha Guza mu Gudibungisa gua mu Hungu

IDI NU NDANDO ITSHI: Gudibungisa mu hungu guana gutuhana njila ya ‘guyimbila Yehowa ngimbo’ nu ‘gumutumbuisa’ tangua diagasue. (Ngi 149:1) Tangua tuana guya mu gudibungisa gua mu hunngu, ana gutulongesa luholo lua gukalagala gutshigina gua Nzambi. (Ngi 143:10) Athu ana gusuanguluga nu mbimbi ya Nzambi nu athu tuana gulongesa Biblia, ana gukula muabonga mu nyuma tangua ana sendesa guza mu gudibungisa gua mu hungu.

LUHOLO LUA GUYIKALAGALA:

• Hana muphushi emvitasio gudi muthu wasuanguluga nu giamatshidia. Ushinaye gunengena uu nu tangua mbawusendesa gulonguga nenji Biblia.​—Yat 22:17

• 

  Kotelesela muthu wasuangulugile nu giamatshidia ndaga ajiya gukalagala, enji muwambele ndaga mbajizuelewa mu gudibungisa gua landula. Hagula egi umukuatese, wajiya gumuleza ndaga eji jia landula: Emvitasio ya gutamega athu mu gudibungisa mu hungu, video Ndaga Jitshi Jiana Gukalegewa mu Inzo ya Ufumu?, nu longo 5 nu 7 dia gamukanda Akuatshi Anakalagala Gutshigina gua Yehowa Mangino?

• 

  Ukuateshi. Muthu owu wasuanguluga nu giamatshidia udi nu funu egi tumukuatese ha gutomba milele ajiya guya nayo mu gudibungisa ba? Tangua mudi mu gudibungisa mu hungu, khala nenji hehi, enji landulenu nenji programe mu mikanda yaye. Mujiyise gudi aphangi ako aklisto