YIKADIKILE MU MUDIMO WA GULONGESA | HETA GUSUANGULUGA GUAVULA MU MUDIMO WA GULONGESA
Kuatesa Athu Wana Longesa Biblia ha Guya mu Gudibungisa
Guya mu gudibungisa guana khala diago nu ndando yavula mu gikombelelo gia giamatshidia. (Ngi 22:22) Athu agasue anaya mu gudibungisa ha gukombelela Yehowa ana heta gusuanguluga nu gubonga guavula. (Ngi 65:4) Matangua avula, athu tuana longesa Biblia ana kula muphushi mu nyuma gula adi muya mu gudibungisa phoso nu phoso.
Luholo lutshi wajiya gukuatesa athu wana longesa Biblia ha guya mu gudibungisa? Landula guaatamega ha guza mu gudibungisa. Atalese video idi muzuela egi Ndaga tshi jiana balega mu Inzo ya Ufumu? Akotelesele gubonga tuana heta mu gudibungisa guene. (lff-F longo 10) Wajiya guawambela ndaga tualongugile mu gudibungisa phoso yabalega nga ndaga mbatulonguga mu phoso idi muza. Ahane mikanda mbatukalegela mu gudibungisa. Akuatese nji mu luholo luko. Yajiya gukhala egi adi nu funu ya makuta ha gufuta transport. Mbatumona egi ngolo tudi mukalagala jidi nu ndando gula muthu tuana longesa Biblia waza mu gudibungisa mbala ya thomo.—1Kol 14:24, 25.
TALENU VIDEO KUATESA ATHU WANA LONGESA BIBLIA HA GUYA MU GUDIBUNGISA, GUNGIMA HANENU MVUTU GU MIHU EYI:
Mu okazio utshi phangi Neeta watamega Jade ha guya mu gudibungisa gua mu hungu?
Mukunda natshi tuana khala nu gusuanguluga gula muthu tuana longesa Biblia waza mu gudibungisa?
“Nzambi udi diago mukatshi dienu”
Ndaga itshi Jade wamonele hayile muene mu gudibungisa mbala ya thomo?