Kuatesa Athu Wana Longesa Biblia ha Gukudisa Ufuta Wawo nu Yehowa

Yehowa wana tshigina egi tumukombelele handaga tuana gumuzumba. (Mat 22:37, 38) Gula athu tuana longesa Biblia adi muzumba Nzambi, mbayakuatesa ha gusombegesa makalegelo awo abola. Mbaasala nji ya gujinginyina gula atagana nu malamba. (1Yone 5:3) Guzumba guawo gudi Nzambi mbaguatuma ha guzula desizio dia gubatijiwa.

Kuatesa athu wana longesa Biblia ha gukotelesa egi Nzambi wana guazumba. Wajiya guahula mihu eyi: “Ndaga eyi idi gugulongesa itshi mukunda nu Yehowa?” nga ndo “Luholo lutshi ndaga eyi idi mumonesa egi Nzambi wana guguzumba?” Akuatese ha gukotelesa luholo Yehowa wana guakuatesa. (2Gudi 16:9) Awambele luholo Yehowa wahanele mvutu gu isambu yaye, akuatese nji ha gumona luholo Yehowa wana hana mvutu gu isambu yawo. Tuana suanguluga muavula gula athu tuana longesa Biblia akotelesa egi Yehowa wana guazumba. Tuana suanguluga nji tangua ana monesa egi ene nji ana gumuzumba nu adi mutshigina gubua mafut’enji.

TALESA VIDEO KUATESA ATHU WANA LONGESA BIBLIA HA GUKUDISA UFUTA WAWO NU YEHOWA, GUNGIMA HANENU MVUTU GU MIHU EYI:

• 

  Mulonga utshi Jade watagana nawo?

• 

  Luholo lutshi phangi Neeta wakuatesa Jade?

• 

  Itshi yakuatesa Jade ha gubinga mulonga wene?