Kuatesa Athu Wana Longesa Biblia ha Gubinga Makalegelo Abola

Athu adi nu makalegelo abonga, ene ajiya gukhala nu ufuta wabonga nu Yehowa. (1Phet 1:14-16) Gula athu tuana gulongesa Biblia adi mukalagala yagasue ha gubemba makalegelo abola, yajiya guakuatesa ha gukhala nu gusuanguluga mu fami yawo, ha gukhala nu sante yawaha nu ha gukalegela makuta mu luholo lua bonga.

Kotelesela athu wana longesa Biblia ishina Yehowa wana gutuhana mikhuala yenji nu mukunda natshi idi nu ndando egi ene nji ayitumagele. Tshita yagasue ha gukuatesa athu wana gulongesa Biblia ha gusombegesa matangi awo, ngenyi mbayakuatesa nji ha gusombegesa makalegelo awo. (Ef 4:22-24) Khala guawambela egi Yehowa wajiya guakuatesa ha gubemba khadilo diabola dinyi ana khala nadio sendese mualeha. (Fili 4:13) Alongese luholo lua gukombelela Yehowa gula matangi abola adi guajila ha gukalagala gubola. Akuatese ha gujiya ndaga jiabola jiajiya gualola nu ha gujituna. Akolese ha gubemba makalegelo abola nu ha gukalagala ndaga jiawaha. Mbawukhala nu gusuanguluga tangua mbawumona luholo athu wana gulongesa Biblia adi musombegesa makalegelo awo mu ukuateshi wa Yehowa.

TALESA VIDEO KUATESA ATHU WANA LONGESA BIBLIA HA GUBINGA MAKALEGELO ABOLA, GUNGIMA HANENU MVUTU GU MIHU EYI:

• 

  Luholo lutshi akulu nu phangi Neeta ashile Jade mutshima?

• 

  Luholo lutshi phangi Neeta wakuatesa Jade?

• 

  Luholo lutshi Jade wakambi ukuateshi gudi Yehowa?