Kuatesa Athu Wana Longesa Biblia ha Gutuna Mafuta Abola

Hagula athu tuana longesa Biblia akuate ufuta nu Yehowa, adi naye gutomba mafuta abonga. (Ngi 15:1, 4) Mafuta abonga mbaakuatesa ha gutshita ndaga jiabonga.—Ish 13:20; lff-F longo 48; lv-F mukh. 03.

Khala gudisha ha fundo dia athu tuana longesa Biblia tangua udi guakuatesa ha gutuna mafuta abola. Yajiya gukhala lamba gudi ene ha gubemba mafuta awo a ha mavu awa. Hene, tushigo naye gunengena phamba lusugu tuana gualongesa Biblia ha guamonesa egi tuana guazumba diago. Tuajiya guasonegela mesaje, guatamega gu telefone nga guya guatala. Tangua adi mukula mu nyuma, tuajiya nji guatamega ha gubalegesa nawo tangua hamoshi nu akombeledi ako a Yehowa. Ngenyi, mbaamona diago egi adi muheta mafuta avula gubalega anyi abembele ene. (Mako 10:29, 30) Esue nji mbatukhala nu gusuanguluga tangua mbatumona fami ya Yehowa mukoma.

TALESA VIDEO KUATESA ATHU WANA LONGESA BIBLIA HA GUTUNA MAFUTA ABOLA, GUNGIMA HANENU MVUTU GU MIHU EYI:

• Mafuta abola adi akuatshi?—1Kol 15:33

• Jade watangigiza egi gubalegesa tangua hamoshi nu Aklisto ako guajiya gukhala luholo lutshi?

• Luholo lutshi phangi Neeta wakuatesa Jade ha guheta mafuta abonga?