Luholo lua Gukalegela Gamukanda Akhuatshi Anakalagala Gutshigina gua Yehowa Mangino?

Gamukanda Akhuatshi Anakalagala Gutshigina gua Yehowa Mangino? gasonegewe ha gula tugakalegele tangua tudi mulongesa muthu Biblia, gutuama nga gugisugishilo gua gulonguga nu muthu muene.a Longo dia 1 uu nu dia 4 diana gukuatesa athu tuana longesa Biblia hagula ajiye muabonga Matemue a Yehowa a mu ifutshi iko. Longo dia 5 uu nu dia 14 diana guaakuatesa ha gujiya midimo yetu. Uvi longo dia 15 uu nu dia 28 diana gumonesa ndaga jidi mukalagala organizasio yetu. Tangua muthu wasuanguluga nu giamatshidia, idi ndaga yabonga egi tutadile nenji longo dimoshi-dimoshi luholo yamonesewa mu gamukanda. Uvi gula muthu watshigina egi tusendese nu longo dimoshi ngenyi, tuajiya gusendesa nadio. Longo diagasue didi muzula phamba diyiji dimoshi; tuajiya guditadila nu athu avula tuana gulongesa Biblia minuta thano uu nu kumi.

• 

  Talela nenji muabonga muhu udi gu muto wa lumene wa longo

• Tangenu nenji longo hamoshi. Muajiya gutanga longo diagasue, nga guditanga gitshinyi nu gitshinyi

• Zuelelenu ndaga muatangi. Kalegela mihu idi goshi’a diyiji, zuelela nji ifuanesa. Gula luholo ludi guene, tanga nenji verse jidi mu paragrafe, gungima zuelelenu verse jiene. Mumonese egi tumito tuandaga tuazonda-zonda tudi muhana mvutu gu muhu wakoma wa muto wa ndaga

• Gula longo diene didi nu galuanda gadi muzuela egi “Wajiya Gujiya Ndaga Jiko,” gatangenu nenji. Kolesa nji muthu udi mulongesa ha gukalegela ndaga adi mulonguga