Alongeshi muyadi adi muhana muthu trakte hehi nu dimbo dia Monrovia, mu gifutshi gia Liberia

Luholo lua Guta Maga nu Athu

●○○ GUDIMONA GUA THOMO

Muhu: Biblia idi luko nu ndando mangino ba?

Verse ya Biblia: 2Tim 3:16

Muhu wa gutalela gungima: Itshi Biblia yana gulongesa?

○●○ GUVUTUGILA GUA THOMO

Muhu: Itshi Biblia yana gulongesa?

Verse ya Biblia: Mat 6:10

Muhu wa gutalela gungima: Ufumu wa Nzambi mbawukalagala itshi?

○○● GUVUTUGILA GUA MBADI

Muhu: Ufumu wa Nzambi mbawukalagala itshi?

Verse ya Biblia: Dan 2:44

Muhu wa gutalela gungima: Luholo lutshi Ufumu wene mbawuhinyina mavu?

Sendese mu mbeji eyi, gudibungisa gua mukatshi dia phoso gushigo luko mukhala nu maluholo thathu a gudisha a guhana mazulunalu. Uvi, mukanda wa gukalegela mu gudibungisa gua Lujingu nu Mudimo wa Uklisto mbawukhala nu gifezegeselo gia luholo lua guta maga nu athu, gidi nu muhu wa guhula, nu verse ya gutanga, nu muhu uko wa guza muzuelela mu lusugu ludi muza. Luko, mbatutala video khuta imoshi mu phoso ya thomo ya mbeji. Video yene iza mumonesa luholo lua gusendesa guta maga nu athu. Mulongeshi wagasue mbawutomba mukanda watshigina muene guhana muthu gula wata nenji maga, ikhale mu gudimona gua thomo nga mu guvutugila muthu. Luko, mukanda wa gukalegela mu gudibungisa mbawukhala nji nu ifezegeselo mbadi idi mumonesa luholo lua gulandula guta maga nu athu. Luholo elu lua guta maga nu athu mbalutukuatesa ha gutagenesa muabonga ginemo gietu gia gulongesa “athu agasue adi nu mitshima yatagana ha guheta monyo wa mayilago.”—Makal 13:48.

Malongo mukunda nu ana khalasa: Ana khalasa adi naye gulandula metode yahanewa mu ‘luholo lua guta maga nu athu’. Uvi gula devuare diawo didi nu longo didi mumonesa luholo luko lua gukalegela, adi naye guyitshita.