Luholo Lutshi Tuajiya Gukudisa Guzumba Mukunda nu Nzambi nu Muthu na Mukuetu?

Mangino, Aklisto ashigo goshi’a Mukhuala wa Moise, uvi mikhuala mbadi yabalega iko yagasue gukoma mukatshi dia mikhuala yene​—guzumba Nzambi nu muthu na mukuetu—​idi mumonesa ndaga jiana gututoga Yehowa. (Mat 22:37-39) Guzumba adi muzuelela mu verse eji gushigo gua givuadiwa. Tudi naye gukudisa khadilo edi dia guzumba. Luholo lutshi? Luholo lumoshi lua funu lua gukudisa guzumba guene ludi, gutanga Biblia lusugu nu lusugu. Gula tuatadila makalegelo a Nzambi gifua luholo Biblia idi guaamonesa, mbatumona ‘gubonga gua Yehowa.’ (Ngi 27:4) Ngenyi, guzumba guetu mukunda nu muene mbagukula, luko mbatukhala nu matangi gifua enji. Gujiya ngenyi gudi gututuma ha gutumagela mikhuala ya Nzambi, nu gumonesa guzumba gua giamatshidia gudi athu ako. (Yone 13:34, 35; 1Yone 5:3) Tutalenu ndaga thathu jiajiya gutukuatesa ha gusuanguluga muavula nu gutanga gua Biblia:

• Kalegela ndunge jiaye jia gutangigiza, nu khala nu ukhaphumunyi wa matandgi. Tangiza gifua udi hene tangua ndaga yene idi mukalegewa. Ndaga itshi wakhalele naye gumona nga guvua? Luholo lutshi athu adi muzuelela mu lumene luene ajiya gudivua?

  

• Khala musombegesa luholo lua gutanga. Tala luholo wajiya guyikalagala: Tanga mu dijui diakola, nga ndo khala mutanga hamoshi nu enregistrement. Hafundo dia gutanga mukhapho wa Biblia umoshi-umoshi, wajiya gutanga lumene lumoshi ngenyi, nga ndaga jiatadila muthu mumoshi adi muzuelela mu Biblia. Wajiya nji gukalegela Appendice A7 nga B12 mu Biblia Traduction du monde nouveau ha gutanga ndaga jiatadila Yesu. Luko, wajiya gutanga mukhapho wa mudidi udi nu verse adi muzuelela mu texte du jour. Nga ndo, wajiya gutanga mikanda ya Biblia umoshi-umoshi.

  

• Tanga ha gukotelesa. Gutanga mukhapho umoshi mu lusugu, nu gukamba guwukotelesa nu guwutangigiza idi yabonga gubalega gutanga mikhapho yavula lusugu lumoshi mukunda nu gumanesela Biblia. Tadila fundo nu tangua ndaga jiene jia kalegewe. Tadila nji ndaga jiko jiazonda-zonda jiatadila mukhapho udi mutanga. Kalegela cartes nu referanse jidi ha katshi na katshi dia Biblia (références marginales) hagula ukotelese muabonga. Gungima, kamba gujiya ndaga ushigo mukotelesa. Gula luholo ludi guene, zula tangua dia gutangiza ndaga wakatuga gutanga. Tangua dia gutangigiza didi naye gukhala luholo lumoshi nu tangua wazudi ha gutanga.