Lenga Miheto ya​—Internet

MUKUNDA NATSHI IDI NU NDANDO: Luholo ikadigilo idi yavula, Internet yajiya gutukuatesa nga ndo yajiya gukhala gingonza gudi esue. Aklisto ako ana guzumbago gukalegela Internet. Ako ana gukalegela Internet ha guta maga nu enya fami nga mafuta awo. Uvi, Diabulu wana gutshigina egi tukalegele Internet mu luholo luabola ha gula tubolese lukuma luetu nu ufuta wetu nu Yehowa. Gifua Yesu, tuajiya gukalegela malongo a Mbimbi ya Nzambi ha gula tujiye nu gulenga ingonza yajiya gutubuila.​—Luka 4:4, 8, 12.

MIHETO TUDI NAYE GULENGA:

• Gukalegela Internet muavula gubalega. Gukalegela Internet matangua avula gubalega guajiya gutuzula tangua dia gutshita ndaga jia mu nyuma

  Malongo a Biblia: Ef 5:15, 16; Fili 1:10

• Gutala ndaga jishigo jiatagana. Gutala ifuanesa yabola guajiya gututuma ha gutala pornografi nga gutshita uthambi. Gutanga ndaga jia ba aposta nga ndaga athu ako ana gusonega guajiya gubolesa gutshigina guetu

  Malongo a Biblia: Mat 5:28; Fili 4:8

• Gusonega nga gumba foto jiabola mu Internet. Luholo mutshima wana guhuiga, mutshima wene wajiya gutuma muthu ha gusonega nga gumba foto jiabola mu Internet. Gutshita ngenyi guajiya gubolesa lukuma lua muthu nga gulebesa gutshigina guenji

  Malongo a Biblia: Lomo 14:13; Ef 4:29

TALESA VIDEO IDI NU MUTO WA LUMENE EGI MONESA GUTEMA TANGUA UDI MUKALEGELA INTERNET, GUNGIMA ZUELELENU LUHOLO TUAJIYA GULENGA NDAGA TUAMONA MU VIDEO: