Mafuta a Luholo Lutshi Wana Khala Nawo mu Internet?

Futa udi “muthu wakhala wa gujinginyina gudi muthu muko, wana gumuzumba nu gumunemesa muavula.” Ha gufezegesa, Yonatana nu Davidi abuile mafuta akola tangua Davidi washiyile Goliate. (1Sam 18:1) Mukut’awo agasue mbadi akhadile nu makalegelo abonga a akuatesele ha gubua mafuta. Hagula athu mbadi abue mafuta akola, adi naye gudijiya kiawaha. Yana toga tangua nu ngolo jiavula ha gudijiya muabonga. Uvi mu Internet, yakhala yaleba ha gukuata “mafuta.” Handaga athu avula mu Internet ana suega makalegela awo abola, uvi ana zuela ndaga jiabonga nu ana kalagala ndaga hagula athu ako a amone egi adi athu abonga. Hene, udi naye gujiya gula athu a luholo lutshi udi mutshigina egi abue mafut’aye mu Internet. Uvuigo woma ha gutuna emvitasio ya muthu mu Internet handaga udi mutangiza egi muthu muene wajiya guvua khabu nga gikenene gula watuna emvitasio yenji. Ha gutuna ndaga eji jiagasue, athu ako atunyile gale gawo gukalegela Internet. Uvi, itshi ushigo naye gujimbila gila udi mutshigina gukalegela Internet?

TALESA VIDEO MONESA GUTEMA TANGUA UDI MUKALEGELA INTERNET, GUNGIMA HANENU MVUTU GU MIHU EYI:

• 

  Itshi ushigo naye gujimbila gutuama dia gumba foto nga komantere mu Internet?

• 

  Mukunda natshi udi naye gutomba mafut’aye mu Internet nu gutema guagasue?

• 

  Mukunda natshi udi naye gudihagela tangua dia gukalegela Internet?​—Ef 5:15, 16