Landula Gunengena nu Gukolesela Guagasue

Ivo guvula gutshi wana gunengena gale guza gua Ufumu wa Nzambi? Wana gunenga nu guhuiminyina guagasue, ikhale udi mutagana nu malamba ba? (Lomo 8:25) Aphangi ako adi mutagana nu usageshi wakola nu malamba. Ako nji adi mumbiwa mu bologo, adi mushiyiwa. Aphangi ako avula adi mukola, nga ndo adi mulua nu misongo yakola.

Itshi yajiya gutukuatesa ha gunengena nu gukolesela guagasue ngatshima tuatagana nu malamba a luholo lutshi? Thomo, tudi naye gukolesa gutshigina guetu. Ha gukolesa gutshigina guene, tudi naye gutanga Biblia lusugu nu lusugu, nu gutangigiza muavula ndaga tudi mutanga. Ya mbadi, tudi naye guhaga matangi mu felela dietu. (2Kol 4:16-18; Heb 12:2) Ya thatu, tudi naye gukombelela Yehowa nu gumutoga ha gutuhana ngolo jia nyuma yenji. (Luka 11:10, 13; Heb 5:7) Tata wetu wa guzumba wajiya gutukuatesa ha ‘gukolesela nu guhuiminyina nu gusuanguluga guagasue.’​—Kol 1:11.

TALENU VIDEO TUDI NAYE ‘GUZULA PHUSHI NU GUKOLESELA GUAGASUE’—SHA MUTSHIMA EGI MBAWUHETA GISHIMBIGO. GUNGIMA, HANENU KUETEYA GU MIHU EYI:

• 

  Ndaga jia luholo lutshi “tuakhalelego mutangiza” jiajiya gutubuila? (Mulo 9:11, NWT)

• 

  Luholo lutshi gisambu giajiya gutukuatesa tangua tudi mutagana nu malamba?

• 

  Gula tushigo luko nu luholo lua gukalagala muavula mudimo wa Yehowa gifua tuakhalele mutshita thomo, mukunda natshi tudi naye guhaga matangi etu mu ndaga tuajiya gukalagala?

• 

  Itshi yana gugukuatesa ha gusha mutshima egi mbawuheta gishimbigo?