MAKALEGELO A UKLISTO
Yehowa Wana Gutukuatesa Tangua Tuana Tagana nu Malamba
Mu masugu awa a gisugishilo tudi mutagana nu malamba avula. Matangua ako tuajiya gutangiza egi idi lamba gudi esue ha gukolesela mu malamba ene. Uvi gula tualandula gusuena hehi nu Yehowa, mbawutukuatesa ha gukolesela ikhale tuatagana nu malamba akola a luholo lutshi. (Yesh 43:2, 4) Luholo lutshi tuajiya gulandula gukolesa ufuta wetu nu Yehowa tangua tudi mutagana nu malamba?
Gisambu. Tangua tuana wambela Yehowa ndaga jiagasue jidi mu mutshima wetu, wana gutuhana guhuima nu ngolo jia gukolesela.—Fili 4:6, 7; 1Tes 5:17.
Gudibungisa gua mu hungu. Tuana khala nu funu ya malongo ana katuga mu Biblia nu ya gukhala hamoshi nu aphangi mu gudibungisa gua mu hungu. (Heb 10:24, 25) Nyuma ya Nzambi yana gutukuatesa tangua tuana londega gudibungisa gua mu hungu, tangua tuanaya mu gudibungisa guene nu tangua tuana hana ba komantere.—Gum 2:29.
Mudimo wa Gulongesa. Gula tudi gudihana muavula mu mudimo wa gulongesa, mbayitukuatesa ha gutadila ndaga mu luholo luabonga. Mbayitukuatesa nji ha gukolesa ufuta wetu nu Yehowa nu aphangi a mala nu a akhetu.—1Kol 3:5-10.
TALENU VIDEO JÉHOVAH VOUS RECUEILLERA, GUNGIMA HANENU MVUTU GU MIHU EYI:
Itshi yakuatesele phangi Malu ha gusala ya gujinginyina gudi Yehowa hataganele muene nu malamba?
Luholo lutshi mbimbi jidi mu Ngimbo 34:18, jiajiya gutuhana gikhesa tangua tudi mutagana nu malamba gifua phangi Malu?
Luholo lutshi lumene lua phangi Malu ludi mumonesa egi Yehowa wana gutuhana “ngolo jiabalega ngolo jia athu” tangua tuana tagana nu malamba?—2Kol 4:7