“Katudienu Jinzambi jia Mambo”

Yakobo wakhalele mujiya egi athu adi naye gukombelela phamba Yehowa, ngatshima wakhalele khenji gahana galego mukhuala udi mutunyisa gukombelela nzambi jia isongo. (Guz 20:3-5) Hene, tangua diamuwambelele Yehowa ha guvutuga gu Betele, Yakobo walezele athu agasue akhalele nenji ha gukatula nzambi jiawo jia mambo. Yakobo wabishidile nzambi jia isongo nu tuzeya akhalele nato; yajiya gukhala egi akhalele mukalegela ima yene ha gudibamba gu ndaga jiabola. (Gis 35:1-4) Yehowa wasuangulugile diago nu ndaga yatshitshile Yakobo.

Mangino, luholo lutshi tuajiya gumonesa egi tudi mukombelela phamba Yehowa? Tudi naye thomo gutuna ndaga jiagasue jidi gudivua nu wanga nu nzambi jia isongo. Ha guyikalagala, tudi naye gubishila ima yagasue idi gudivua nu wanga nu gutadila luko muabonga saga jietu tuana tomba ha gudikenesa. Hene, dihule egi: ‘Ngana tanga mikanda nga ndo ngana tala video jidi muzuelela ndaga jia wanga nu jia imbombi ba? Mukatshi dia ima ngana tshita ha gudikenesa, gudi nu gima nga mukanda wana monesa egi wanga ushigo gima giabola ba?’ Tudi naye gubishila gualeha ima yagasue yabola yana tuna Yehowa.—Ngi 97:10.

TALENU VIDEO IDI MUZUELA EGI “KHALENU MBALAGAJI JIA DIABULU.” GUNGIMA, HANENU MVUTU GU MIHU EYI:

• 

  Mulonga utshi wataganele nawo Palesa tangua diakhalele muene mulonguga Biblia?

• 

  Mukunda natshi idi nu ndando egi tukambe ukuateshi wa akulu gula bademo adi gutuluisa nga ndo adi muluisa muthu tuana longesa Biblia?

• 

  Gula tuatshigina egi Yehowa atukuatese nu atubambe, ima itshi tudi naye gubishila?

• Desizio ditshi diazudile Palesa?

• Mu dimbo dienu, ima itshi yana tshita athu ha gutuna uluishi wa bademo?