Tuana Monesa Guzumba Tangua Tuana Nemesa Disipline dia Yehowa

Guzola muthu mu hungu guana bamba hungu nu guana khala ndola gudi muthu watshitshi gubola udi mutuna gubalumuna mutshima. (1Kol 5:6, 11) Tangua tuana nemesa disipline diene diana katuga gudi Yehowa, tuana monesa egi tuana gumuzumba. Luholo lutshi guzola muthu mu hungu guana hana lamba gudi aphangi a mu hungu, enya fami yenji, mafuta enji nu komite ya musambesa?

Gubalega yagasue tuana monesa guzumba mukunda nu jina dia Yehowa nu mikhuala yenji ya gijila. (1Phet 1:14-16) Tuana monesa nji guzumba gudi phangi wazolewa mu hungu. Ndola yana hana lamba mu mutshima, uvi yajiya ‘gubatela gudibungisa nu muthu wazolewe mu hungu nu tudi gudibungisa nu muthu wazudi desizio dia gubemba organizasio. Tujiyenu egi Yehowa wana hana akombeleledi enji disipline ‘mu luholo lua tagana.’ (Yel 30:11) Mbatumonesa egi muthu muene mbawuvutuga luko gudi Yehowa Tata wa khenda, gula tudi munemesa disipline dia Yehowa nu tudi mulandula gubamba makalegelo etu a Uklisto.—Yesh 1:16-18; 55:7.

TALENU VIDEO TUKHALENU YA GUJINGINYINA NU MUTSHIMA WAGASUE. GUNGIMA, HANENU MVUTU GU MIHU EYI:

• 

  Lamba ditshi mvuaji jia Aklisto jiana guvua gula munawo watuna Yehowa?

• 

  Luholo lutshi aphangi a mu hungu ajiya gukuatesa enya fami ya muthu wazolewa mu hungu ha gusala agujinginyina?

• 

  Lumene lutshi lua Biblia ludi mumonesa ndando ya gusala ya gujinginyina gudi Yehowa gubalega enya fami yetu?

• 

  Luholo lutshi tuajiya gumonesa egi tudi ya gujinginyina gudi Yehowa gubalega enya fami yetu?