Nzambi nu Klisto Mbaatuzola mu Uhiga mu Masugu Adi Muza

Malamba tshi udi mutagana nawo masugu awa? Udi fumu wa fami ba? Udi nu inemo yavula ya gutagenesa ba? Udi muvuala wanaya gu khalasa ba? Wana tagana nu usageshi gudi mafuta aye a khalasa ba? Udi muthu wa gukola (mukulutu) nga udi mukhashi? Mukut’etu agasue tuana gutagana nu malamba. Aklisto avula adi mutagana nu malamba avula mutangua dimoshi. Ndaga yabonga idi egi, gualeha ndo mbatukudiwa mu uhiga mukunda nu malamba tudi mutagana nawo.—2 Kol 4:16-18.

Tuajiya guheta ngolo gula tudi mujiya gamba Yehowa wana jiya malamba etu nu wana suanguluga nu luholo tuana sala yagujinginyina gudi muene. Hene, wana gutubambela ishimbigo yavula mu masugu adi muza. (Yel 29:11, 12) Yesu nji wana jiya malamba etu. Gula tudi mutagenesa ndaga jiana gututogewa mu hungu dia Uklisto, mbatuheta ngolo mu mbimbi eji jia Yesu egi: “Ngudi n’enu.” (Mat 28:20) Gula tudi mutangigiza luholo Ufumu wa Nzambi mbawutukula mu uhiga mu masugu adi muza, mbatukolesa felela dietu nu desizio dietu dia gusala agujinginyina mu malamba tudi mutagana nawo mangino.—Lomo 8:19-21.

TALENU VIDEO LUHOLO GIKUDI GIASUENA HEHI, HAGA MATANGI AYE GUDI YESU!—GUBONGA MBATUHETA MU UFUMU WA NZAMBI. GUNGIMA, HULA MIHU EYI:

• Luholo lutshi athu atotesele ufuta wawo nu Nzambi? Malamba atshi abuile gungima?

• Gubonga gutshi gudi munengena athu adi a gujinginyina gudi Yehowa?

• Mukunda natshi tudi muzuela egi mbatuheta gubonga mu masugu adi muza?

• Ishimbigo itshi yatadila mavu ahe-ahe yana gugusuanguluisa?