UMONYI UDI MU MBIMBI YA NZAMBI

Yehowa Wana Tuameza Athu Enji

[Talesa video Ndaga Jidi mu Mukanda wa Lutango.]

Enya Isalele ahagele phundo jiawo ha gutadila luholo akhaphele iphuta mu itshinyi thathu (Lutang 1:52, 53; w94-F 1/12 diyiji 9 par. 4)

Yajiya gukhala egi mutango wa enya Isalele agasue akhalele mu phundo wakhalele 3 000 000 nu holu (Lutang 2:32, 33; it-1-F diyiji 385 par. 6)

Yehowa wana tshiginago egi akombeledi enji a mukombelele mu lumuamua uvi mu luholo luatagana. Ndaga yene yamonegele diago haphelo gudi enya Isalele, idi nji luholo lumoshi mangino.—1 Kol 14:33, 40.

Gifuanesa gidi mumonesa luholo phundo ya enya Isalele yakhalele. Inzo ya tenta idi ha katshi nu katshi. Fami jia enya giphuta gia Levi jidi hehi nu inzo ya tenta jidi: Alona gu est, enya Kehate gu sud, enya Geleshona gu weste, enya Melali gu nord. Iphuta 12 ya enya Isalele idi mu khulo ya phundo. Giphuta gia Isakale, Yuda nu Zabulona idi gu est. Giphuta gia Gade nu gia Lubene nu gia Simeona idi gu sud. Giphuta gia Benyamine nu gia Efraime nu gia Manase idi gu weste. Giphuta gia Nefetali nu gia Dane nu gia Asele idi gu nord.

DIHULE EGI: ‘Luholo lutshi ngajiya gumonesa egi ngudi mukuatesa ulondegi wa Yehowa?’