Dilondege ha Gulongesa Athu a Maluholo Agasue

Luholo Yehowa watuamezele enya Isalele, wana tuameza nji akombeledi enji mangino ha gutshita gutshigina guenji. Tuana tshita hamoshi mu betele jia ha mavu a mudidi, mu ba circonscription, mu ma hungu, nu mu ma hunji a mudimo wa gulongesa ha gulongesa lukuma luabonga. Tuana longesa athu a maluholo agasue ikhale athu anyi ana zuela zuelelo diko.—Yat 14:6, 7.

Walongugile gale zuelelo diko ha gukuatesa muthu ha gulonguga giamatshidia ba? Ngatshima ushigo nu tangua dia gulonguga zuelelo dihe-dihe, Wajiya gukalegela application JW Language ha gulonguga luholo lua gusendesa guta maga nu muthu. Gungima dia guyikalegela mu mudimo wa gulongesa wajiya guheta gusuanguluga gifua luholo aphangi etu a mu siekle ya thomo adivuile tangua athu a mu ifutshi iko avuile “ndaga jia gushimana jia Nzambi” mu zuelelo diawo.—Makal 2:7-11.

TALENU VIDEO KUATA UFUTA NU YEHOWA—LONGESA MU ZUELELO DIKO. GUNGIMA, HANA MVUTU GU MIHU EYI YALANDULA:

• 

  Luholo lutshi wajiya gukalegela application JW Language?

• 

  Ndaga jitshi jidi mu application JW Language?

• 

  Mazuelelo atshi athu ana zuela mu terituare yenu?

• Itshi wajiya gutshita gula muthu mumoshi wamonesa nzala ya guvua lukuma luabonga lua ufumu, uvi udi muzuela zuelelo diko?—od-F diyiji 100-101 par. 39-41