Tukudise Luholo Luetu lua Gulongesa Mbimbi ya Nzambi​—Tulongese Athu Agasue a mu Terituare Yetu

MUKUNDA NATSHI IDI NU NDANDO: Zakaliya wazuelele gutuama egi athu a mazuelelo agasue a mu ifutshi mbaatshigina lukuma luabonga. (Zak 8:23) Uvi, nanyi mbawaalongesa giwa? (Lomo 10:13-15) Tudi nu luendu nu ginemo gia gulongesa lukuma luabonga gudi athu agasue a mu terituare yetu.​—od-F diyiji 90 par. 10-11.

LUHOLO LUA GUYIKALAGALA:

• Dilondege. Wana gutagana nu athu ana guzuela zuelelo diko? Wajiya gukalegela JW Language ha gulonguga luholo lua gusendesa guta maga nu muthu. Nga ndo, wajiya gukalegela telefone yaye ha gudijiga muthu luholo gajiya gujiya ndaga jiavula mu zuelelo dienji mu jw.org

• Khala mutala athu muabonga. Tangua udi mulongesa inzo nu inzo, ubalegesago okazio udi muheta wa gulongesa athu udi mutagana nawo mu njila nga anyi adi munengena tumiyo (mashinyi). Gula udi mulongesa mu mafundo a athu avula, ujimbilago egi udi hene mukunda nu gulongesa giamatshidia

• Kalagala ngolo. Landula gukamba athu wanago gusanga gu jinzo jiawo. Kalagala ngolo ha guta maga nu muthu mumoshi mu mifulo yagasue, wajiya guyikagala mu matangua a gudisha nga mu masugu a gudisha mu phoso. Matangua ako, ha guta maga nu athu ako a mu terituare yenu, yajiya gutoga egi waasonegele mukanda, waatamege gu telefone, nga ndo waalongese mu balabala

• Vutugila athu. Vutugila mu phushi muthu wagasue wa suanguluga nu giamatshidia. Gula muthu udi muzuela zuelelo dia gudisha nu diaye, kamba phangi mumoshi wana guzuela zuelelo dienji ha gula amukuatese. Udi naye gulandula gutala muthu muene uu nu tangua mbagatagana nu mulongeshi udi muzuela zuelelo dienji.​—od-F diyiji 100 par. 39-40

TALENU VIDEO IDI NU MUTO WA LUMENE EGI ILS PRÊCHENT DANS “LA RÉGION LA PLUS LOINTAINE DE LA TERRE.” GUNGIMA, ZUELELENU MIHU EYI:

• 

  Ndaga jitshi jia kalegele aphangi a mala nu a akhetu ha gudilonda ha guya mulongesa athu a mu terituare jia gualeha (1Kol 9:22, 23)

• 

  Malamba atshi ataganele nawo?

• 

  Gubonga gutshi ahetele?

• Luholo lutshi wajiya gukalagala ngolo ha gulongesa athu avula a mu terituare yenu?