YIKADIKILE MU MUDIMO WA GULONGESA | HETA GUSUANGULUGA GUAVULA MU MUDIMO WA GULONGESA
Gukalegela Mihu
Yehowa wakhala “Nzambi wagusuaguluga,” wana tshigina egi tuhete gusuanguluga mu mudimo wa gulongesa. (1 Tim 1:11) Mbatuheta gusuaguluga guavula gula tudi mukudisa luholo luetu lua gulongesa mbimbi ya Nzambi. Guhula mihu gudi luholo luabonga lua guta maga nu athu handaga yajiya guatuma ha gututegelela. Mihu yana tuma athu ha gutangigiza. (Mat 22:41-45) Gula tudi mutegelela muabonga mvutu idi gutuhana muthu, idi gifua tudi gumuwambela egi: ‘Udi nu ndando yavula gu meso ami.’ (Yak 1:19) Mvutu ya muthu muene yajiya gutukuatesa ha gujiya luholo tuajiya guta nenji maga mu luholo luabonga.
TALENU VIDEO HETA GUSUANGULUGA MU MUDIMO WA GUBUISA ATHU ALANDUDI—KUDISA LUHOLO LUAYE LUA GULONGESA—GUKALEGELA MIHU. GUNGIMA HANA MVUTU GU MIHU EYI:
Makalegelo atshi abonga Jade amonesa?
Luholo lutshi mihu yahudi phangi Neeta yamonesa egi udi mutshigina guta maga nu Jade?
Luholo lutshi Neeta wakalegela mihu inyi yahanyi Jade Nzala ya gutegelela lukuma luabonga?
Luholo lutshi Neeta wakalegela mihu ha gukuatesa Jade ha gutangigiza?