Wana Heta Mvutu mu Isambu Yaye ba?

Biblia idi nu ifezegeselo yavula ya athu ahetele mvutu mu isambu yawo. Tangua akombeledi a Nzambi ana mona luholo Yehowa wana guategelela tangua ana toga ukuateshi nu luholo luana guakuatesa muene, yana kolesa diago gutshigina guawo. Hene, idi nu ndando ha guwambela Yehowa ndaga tudi mutshigina mu gisambu nu gukamba gujiya luholo Yehowa udi gutuhana mvutu. Tudi naye gujiya egi Yehowa wajiya gutuhana mvutu mu maluholo a gudisha nu wajiya nji gututshitshila ndaga jiavula gubalega jinyi tuamutogi. (2Kol 12:7-9; Ef 3:20) Luholo lutshi Yehowa wajiya gutuhana mvutu gula tuamutoga gima gimoshi ngenyi?

• Ngolo, guhuima, nga gutshigina ha gukolesela mu malamba tudi mutagana nawo.​—Fili 4:13

• Ndunge ha guzula desizio diabonga.​—Yak 1:5

• Nzala nu ngolo jia gukalagala ndaga imoshi ngenyi.​—Fili 2:13

• Guhuima tangua tudi nu gikenene.​—Fili 4:6, 7

• Aphangi ako ajiya gutukuatesa nu ima tudi nayo funu nga gutuhana gikhesa.​—1Yn 3:17, 18

• Ukuateshi mukunda nu aphangi tudi mutshitshila isambu.​—Mkl 12:5, 11

TALESA VIDEO “JÉHOVAH ÉCOUTE LA PRIÈRE,” GUNGIMA HANENU MVUTU GU MIHU EYI:

• Luholo lutshi eksperianse ya phangi Shimizu yajiya gutuhana gikhesa gula tushigo luko nu ngolo handaga tudi nu misongo?

• Luloho lutshi tuajiya gulandula gifezegeselo gia phangi Shimizu?