MAKALEGELO A UKLISTO
Yehowa Wana Huluisa Athu Adi a Guleba Muila
Mukut’etu agasue tuana leba muila matangua ako. Uvi ishigo mukotelesa egi tushigo nu gutshigina gudi Yehowa. Ikhale Yehowa nji wana guvua gikenene matangua ako. (Gis 6:5, 6) Itshi tuajiya gutshita gula tudi muvua gikenene giavula tangua diagasue?
Toga Yehowa ukuateshi mu gisambu. Yehowa wana jiya luholo tuana gudivua. Wana jiya tangua tuana khala nu gusuanguluga nu tangua tuana khala nu gikenene. Wana jiya nji matangi’etu nu wana kotelesa luholo tudi gudivua mukunda nu ndaga imoshi ngenyi. (Ngi 7:9b) Ndaga ya gubalega ndando idi egi Yehowa wana gudisagesa mukunda nu esue, wajiya nji gutukuatesa ha gukolesela gula tudi muvua gikenene giavula.—Ngi 34:18.
Bamba matangi’aye. Gula tudi muvua gikenene giavula, tuajiya gutotesa gusuanguluga guetu nga gubolesa ufuta wetu nu Yehowa. Gishina giene tudi naye gubamba mutshima wetu; yakotelesa egi umuthu wetu wa mukatshi.—Ish 4:23.
TALENU VIDEO LUHOLO APHANGI’ETU ANA KHALA MU GUHUIMA IKHALE ADI MUKATA, GUNGIMA HANENU MVUTU GU MIHU EYI:
Ndaga jitshi phangi Nikki wakalegele ha gukolesela mu misongo yenji?
Itshi yakuatesele phangi Nikki ha gukotelesa egi udi naye guya mumona minganga?—Mat 9:12
Ndaga jitshi jidi mumonesa egi phangi Nikki washile mutshima gudi Yehowa?