22-28 AVRIL
NGIMBO 32-33
Lungimbo 103 nu Gisambu | Mbimbi jia Gisendeselo (Mun. 1)
1. Mukunda Natshi Tudi Naye Guwambela Akulu Gubola Guakoma Tuakalagala?
(Min. 10)
Davidi wavile gikenene giavula tangua diakambele muene gusuega gubola guakoma guakalegele muene. Yajiya gukhala wavile gikenene giene tangua diakalegele muene uthambi nu Batesheba (Ngi 32:3, 4; w93-F 15/3 diyiji 9 par. 7)
Davidi wawambelele Yehowa gubola guenji hene Yehowa wamutotesele (Ngi 32:5; w20.02 diyiji 24 par. 17)
Davidi wadivile muabonga luholo Yehowa wamutotesele (Ngi 32:1; w01-F 1/6 diyiji 30 par. 1)
Gula tuakalagala gubola guakoma, tudi naye gutshigina gubola guene gu meso a Yehowa nu gudibulumuisa guagasue nu gumutoga ha gututotesela. Tudi naye nji gutoga ukuateshi gudi akulu ha gukolesa luko ufuta wetu nu Yehowa. (Yak 5:14-16) Ngenyi Yehowa mbawutuhana ngolo.—Mkl 3:19.
2. Ndaga jia Ndando jia mu Nyuma
(Min. 10)
Ngi 32:7—Mu luholo lutshi Davidi wamonesele egi guzumba guavula gua Nzambi guana gutubamba? (w21.11 diyiji 6 par. 14)
Mu lutango lua Biblia lua phoso eyi, ndaga jitshi jia ndando jia mu nyuma wamonyi?
3. Lutango lua Biblia
(Min. 4) Ngi 33:1-22 (th longo 11)
4. Khala Muthu wa Gudibulumuisa—Itshi Phaula Watshitshile?
(Min. 7) Lumene nu hungu. Talesa VIDEO, gungima zuelelenu ndaga jidi mu lmd longo 4 gitshinyi 1-2.
5. Khala Muthu wa Gudibulumuisa—Landula Gifezegeselo gia Phaula
(Min. 8) Lumene nu hungu mu lmd longo 4 gitshinyi 3-5 nu gitshinyi “Tala Nji.”
Lungimbo 74
6. Milonga ya Gulondega mu Hungu
(Min. 15)
7. Gulonguga gua Biblia mu Hungu
(Min. 30) bt-F mukh. 8 par. 22-24 nu galuanda ha diyiji 67